【廣島本通商店街】2016藥妝新品搜羅+好用推薦

去到廣島本通商店街,諗住冇野好買?其實呢度都有好多藥妝店㗎!今次就介紹下2016嘅一d得意新品同好用品啦!廢話少講,即刻開始!

 

1. La Sana 廣島棒球手美髮油 【售價 ¥ 1080連稅】

 

呢款美髮油係廣島特別版,包裝可愛又特別,買黎做手信一流啊! La Sana喺日本銷量不嬲都好好,仲係Cosme排行榜第一名,好多好評㗎!
 
2. Angel Color x Sanrio 蜜粉 10g 【售價 ¥ 1620連稅】
 
 
 
其實AC x Sanrio蜜粉喺2015已經上咗市㗎啦,外貌十分可愛,但今年特別嘅係!!!
新出咗 蛋黃哥限定 款式!真係超級無敵可愛,點忍到手唔買佢啊!
 
 
 
 
3. Queen’s Key【售價 眼睫毛腋¥ 1620 唇彩¥ 1296 眼線筆¥ 1296連稅】

 

相信唔少人都對呢個Betty十分熟悉!包裝十分可愛嘅佢,有一系列嘅眼睫毛腋、唇彩、眼線筆,仲有好多隻色,咁就可以慢慢揀啦!
 
 
 
4. Club 出浴素肌蜜粉 【售價 ¥ 1480連稅】

 

偽素顏必備?發現日本真係有好多蜜粉嘅選擇!呢款又係包裝顏色十分可愛,幫你塑造自然美肌!佢係適合沖完涼唔想化妝,但又要見人嘅時候用,例如係溫泉旅行啦~ 好似話呢款碎粉用咗唔洗卸妝,可以keep 24小時,仲有護膚成份㗎!
 
 
 
 
 
5. Sala 夏日香味美肌蜜粉 【售價 ¥ 842連稅】

 

呢款body power嘅氣味真係十分怡人,試咗拍喺手上,乾爽又好香。如果你都係夏天容易出汗,就可以買佢黎好似爽身粉咁拍落個身度,咁就唔驚"痴笠笠"啦!
 
 
 

 

6. Kanebo Body Fresh Powder 2016 6月限定【售價 ¥ 6046連稅】

 

Kanebo 呢款限定天使蜜粉係要預訂㗎,6月中開始發售,官方網站顯示嘅價格係¥8000。蜜粉溫柔嘅觸感同淡雅嘅香氣, 搽上有自然嘅光澤感,咁就可以everyday保持美麗嘅肌膚啦!
 
 
 
7. 肌研白潤冷感美白雪酪 30g 【售價 ¥ 1620連稅】

 

見到肌研產品都會忍唔住過去望下,呢款冷感雪酪,質感冰涼好似沙冰咁,試嘅時候都覺得好神奇,涷冰冰咁。佢嘅作用係美白、抗炎症、防紫外線,塑造透明感美肌。用法係做好平日嘅護膚部驟後,用匙刮少少佢嘅雪酪,輕輕搽上臉上,好細力就ok㗎啦,小心唔好磨損到皮膚。然後就可以將佢擺番入雪櫃保藏啦。
 
 
 
8. Rohto Lyceeblanc 12ml 【售價 ¥ 1296連稅】

 

一見到呢個櫻花粉紅色包裝,即刻俾佢吸引咗!2016年春季全新上市嘅Lycee blanc櫻花眼藥水,可以幫助消除眼部充血同抑制眼睛瘙癢,啱晒眼睛疲勞嘅人啦。
 
 
 
9. NonKuma 遠紅外線保濕眼貼 【售價Hello Kitty版 ¥ 950/熊仔版 ¥ 500+稅】

 

呢個眼貼包裝十分可愛,佢主打改善黑眼圈, 改善眼紋法令紋眼袋等等嘅問題。洗完臉之後,貼喺眼下20分鐘,第二日眼睛就會更加有神!用完之後再將佢貼番喺玻璃紙上面,下次仲可繼續使用,直到眼貼黏性消失為止。Hello Kitty真係十分可愛!
 
 
10. Integrate 眉筆 【售價 ¥700連稅】

 

呢枝眉筆自己試過都覺得好易用,超細嘅筆芯可以簡單描繪自然眉形,全3色。 同埋價錢實惠,一枝都只係港幣大概50蚊~
 
 
 
鳴謝Expedia。