【廣島】日本三景之一-宮島(上)

嚴島鄰近廣島市,俗稱宮島,被列為日本三景之一,稱為安藝之宮島,島上最主要的景點是位於海上、以海上鳥居聞名的嚴島神社及後方的彌山原始林區,已被列入世界遺產。(資料來源:維基百科)
 
嚴島神社
 
簡單啲講...即係好似香港嘅離島咁,宮島(即係嚴島)係一個小島,屬於廣島縣範圍,係廣島大約坐10分鐘渡輪就會到㗎喇!而日本有三景,分別係宮島、天橋立、松島,其中宮島上嘅嚴島神社、海上大鳥居,都係日本極具代表性嘅景點,嚴島神社係1996年更被列入為世界文化遺產,幾乎世界各地嘅觀光客都會嚟朝聖。
 
宮島
 
今次旅程我前後去咗兩次宮島,第一次去係陽光普照,好多鹿仔,第二次去就凍到落雪,鹿仔都匿埋哂,而呢篇blog會先講講我落雪當日係宮島嘅小趣事,至於主要景點、名勝、鹿仔、交通攻略,就會係下一篇blog同大家逐一分享!
 
由於今日落雪,凍冰冰行唔郁,揀咗坐人力車觀光
宮島人力車
 
可以揀坐幾耐,坐得愈耐,睇嘅景點就會愈多,當然就愈貴喇!同埋一個人坐同兩個人坐價錢又會唔同
宮島人力車
 
我揀咗坐3000Yen/10分鐘...但發現路途太短...建議如果budget夠最好揀7000Yen/30分鐘
宮島人力車
 
坐人力車可以好似皇帝式享受咁,淨係坐係到慢慢欣賞宮島嘅舊街道同古式建築。
宮島
宮島人力車
 
冇落雪嘅時候,河邊有好多鹿仔聚集
宮島人力車
宮島人力車
 
負責載我嘅人力車伕有明星級數咁靚仔!好高大威猛,仲係咁同我講普通話添...非常搞笑!
宮島人力車
 
之後去咗海上大鳥居chok咗張相相比之下,落雪嘅鳥居感覺好唔一樣,我都係鍾意早兩日有藍天白雲襯托住嘅鳥居
海上鳥居
 
真係好凍...凍都個人呆呆地...可能雪凍咗個腦
宮島