平民居酒屋 全店280YEN鳥貴族

 
講到居酒屋,大家好多時嘅感覺係又貴又唔飽,酒仲要賣好貴!呢個平民居酒屋-鳥貴族絕對可以一改你嘅印象!因為佢全店無論串燒﹑飯類﹑甚至所有酒類都只係賣280YEN(未連稅),真係可以大飲大食銀包都唔會痛!
 
鳥貴族係一間食雞肉串燒為主題嘅居酒屋,係全國都有好多間分店,所以最好大家就係官網度搵下分店,總有一間係你附近!而今日筆者去嘅就係淺草分店﹐佢位置係淺草中央地帶,只要係東京鐵路銀座線淺草站8號出口出尼望下對面馬路樓上牌就會見到嫁啦~
 
上到去佢大部份坐位都會有半牆仔同其他食客揀開,咁就有返私人空間同埋唔怕俾側邊嘅人太興奮衝過尼啦!
 
去到最興奮睇MENU時刻,唔好意思筆者真係太興奮,竟然連相都唔記得左影(跪低)千萬分抱歉,不過唔緊要,佢個網站都有附上MENU,仲係有埋圖嘅!
真係無講大話,所有野都只係280YEN,連左稅都只係302YEN~
 
串燒方面佢大部份都係以雞嘅唔同部份為主,個人建議大家最好都係叫返有關雞嘅料理啦,因為牛有少少一般…都唔係一般…有少少咬唔開…雞個方面佢有好多唔同嘅配汁,睇唔明MENU講咩都唔緊要!佢有圖!不過睇圖能力要有返咁上下!好似筆者咁一時興奮叫多左唔小心叫左雞皮…(一直都好驚叫左雞屁股,只係留意屁股個字而輕敵左仲有雞皮呢個選項)
嗯…食落係幾香口,不過佢燒到變左黑色有少少在意,同埋食一兩舊就夠啦。
 
唔小心講多左衰野,其實佢雞肉真係幾嫩幾甜嫁!我個人本身又好鍾意食雞,如果俾我揀多次,我會叫曬雞肉串!(因為食落真係幾嫩) 雖然佢有好多種配汁,但係我覺得雞配鹽係最能特顯鮮味,圖中嘅雞肉燒蔥都係一個好唔錯嘅選擇!
除左雞之外,芝士燒年糕同埋拉麵都係唔錯嘅選擇。野飲仲有好多款,啤酒仲係大大杯!加上佢時間大多開到凌晨,絕對係一班FRIEND去嘅好選擇。不過…要小心睇圖呀!
 
重點係呢一間野好平!
 
今次我哋用左大新ONE+信用卡埋單,因為呢張卡海外簽賬都可以全天候自動賺取1%+5% 無上限現金回贈,而且不設上限!簽賬愈多,回贈愈多!又唔洗帶大量現金出街,的確係好方便!重要首三年豁免年費,啱哂我哋呢d學生哥!
*外幣交易手續費:於海外及本地的外幣交易金額之1.95%
 
 
全力支持:大新銀行