【岡山縣】倉敷美觀區 甜絲絲小食街

 
黎到倉敷美觀區,除咗可以著和服睇靚景,呢度仲有好多小食店㗎!
我地就揀咗以下幾款黎試,即刻跟我黎睇下有咩好食啦!
 
【蜜糖峰巢雪糕】
↓ 呢間以蜜糖為主嘅小店,門口就有賣蜜糖雪糕,賣相仲好吸引!我地就揀咗蜜糖峰巢雪糕,每日限定30個㗎,售價1000円。但可能因為果日係閒日,所以臨近閂舖我地都仲買到!
 
食後感‌:
雪糕味道似豆腐味,好滑身。而上面嘅蜜糖清清地唔太甜,口感一流!
最鍾意係佢嘅峰巢,好厚好濃郁,甜又香。
但價格略貴,不過我同Stella都覺得好好食!
 
 
我地仲喺舖頭買咗兩罐蜜糖,可以用黎沖蜜糖水飲!售價係1350円。
 
 
【果肉冰涷雪條】
↓ 呢隻水果冰涷雪條售價300円,有芒果、菠蘿、哈蜜瓜3隻味。
我地就揀咗菠蘿同哈蜜瓜黎試下。
 
食後感:
水果雪到涷冰冰,所以哈蜜瓜味果隻咬落去好硬。相比起黎,菠蘿味就甜d同易咬d,但同香港嘅菠蘿冰十分相似。如果行到熱買條黎解暑都唔錯㗎。
 

 
【巨型獅子狗】
↓ 呢間舖係專賣獅子狗同魚餅之類嘅食物,佢可以一pack咁買,或者即場燒俾你食嘅。
我地就揀咗巨型獅子狗黎試,售價260円。
 
食後感:
咬落口感好似魚蛋,外層香內層軟,幾好味㗎!
 
 
【白桃味雪糕】
↓ 倉敷好多賣白桃產品嘅店舖,而呢間就有白桃味嘅雪糕,即刻試下先!售價:350円

 

 
食後感:
白桃味其實食落感覺似益力多味,同埋質感係沙冰。唔會話太好食,但佢係呢度特別有嘅味,所以都可以試下㗎!
 
 
↓ 呢度仲有好多特色手信買,好多都係以白桃為主題!

 

【天婦羅棒】
↓ 呢間喺大街最前面嗁天婦羅棒小店,賣好多隻唔同味嘅天婦羅棒,我地就揀咗章魚洋蔥味。
售價:300円

 
食後感:
佢係類似蝦餅嘅口感,入面有蔥花,好香口。可能食嘅時候好肚餓,所以覺得幾好味㗎!
店長仲好好人㗎!
 

 

=============

倉敷美觀區
交通方法:若由廣島出發,喺廣島駅搭乘新幹線(往新大阪方向),於岡山駅下車,轉乘JR前往倉敷駅,全程約一小時。再由倉敷行5-10分鐘就到美觀地區㗎啦。而上篇blog都提到因為今次我地係買咗pass,所以先會去岡山同倉敷呢邊嘅~
 
想睇番之前嘅blog,請到:http://www.likejapan.com/users/xindy
 
鳴謝:Expedia