尖沙咀文化屋雜貨店,又潮又好玩!

 
文化屋雜貨店,來自日本原宿,喺日本潮人界好出名,喺日本亦都有唔少分店。2009年文化屋雜貨店開始進駐香港,雖然有分店喺今年年初結咗業,但係尖沙都仲有一間繼續營運。
 
文化屋雜貨店,叫得雜貨店,就真係乜都有,由懷舊、日系商品,跟住衣物、首飾、精品、手袋背包、家庭用品都有,入到去簡直花多眼亂,所以就叫雜貨店喇。
 
一入到去,其實好似士多,都係好多雜貨,亂咁放
 
超多布袋,日系文青啱晒!
 
除咗有入貨之外,雜貨店仲有超多自己員工手造嘅物品
好似相入面啲凳,好有特色。
 
呢度 9成嘅野都超級日系,圖中既手錶都充滿復古味道
買咗就可以一秒變日系
 
呢啲眼鏡真一戴就變咗架仔
(記得睇埋影片入面換左眼鏡既我!)
 
呢間店有太多太多野喇,除咗有得睇,仲有得玩,如果對復古風格同古靈精怪東西有興趣既記得上去啦!
 
文化屋雜貨店 資料:
地址: 尖沙咀金巴利街22號1樓
開放時間: 13:00 - 22:00
 
佢地仲有時會搞workshop同唔同嘅Pop-Up store,有興趣大家可以去佢地Facebook專頁留意下!