我由細到大都好鍾意睇恐佈野，漫畫睇伊藤潤二，電影睇午夜怪談，打機就玩生化危機！唔係話唔驚，只係鍾意夠刺激又要驚又要睇 （人就係咁犯賤㗎啦
）今日想同大家分享幾隻經典嘅恐佈遊戲…睇下你玩過幾多…
）今日想同大家分享幾隻經典嘅恐佈遊戲…睇下你玩過幾多…1）死魂曲 （Siren)
故事大概講述一條27年前本應消失嘅村莊，竟然重現人間。迴響耳邊嘅幻音，不斷出現嘅屍人…慢慢被捲入呢件不可思議事件嘅主角們，到底可以如何自救？
遊戲其中一個特色就係佢嘅配樂…聽落已經有一種令人好陰森嘅感覺。加上遊戲內大部分埸境都係好昏暗，視野模糊。玩家嘅你唔再係無敵mode上身，只可以單憑手上嘅電筒去探索或簡單嘅武器去匿藏、逃命或者反抗…
遊戲舞台：「羽生蛇村」
到處都係荒蕪嘅感覺
屍人出沒請注意
反抗係唯一嘅出路？
記得個陣我淨係玩體驗版都已經驚到癲左，未玩過嘅朋友可以睇下達哥嘅試玩片，包保你嚇死（呀唔係，係笑死
）
）2）零
2001年首度發行嘅「零」，總共推出過5個系列《零～zero～》、《零～紅蝶～》、《零～刺青之聲～》、《零～月蝕的假面～》和《零～濡鴉之巫女～》同埋外傳《心靈照相機～被附身的筆記本～》
記得我第一次玩嘅時侯，係《零～刺青之聲～》！佢並無背景音樂，你可以聽到嘅，只有好似寺廟嘅叮～叮～叮…同埋突然其來物品移動嘅聲音同埋…你逃命嘅腳步聲…
不過今次你連槍都無！你有嘅只係一部相機，想消滅鬼魂，唯有靠鏡頭捕捉佢地。
當年我玩呢幕都已經嚇到死左…用相機捕捉鬼魂嚟講其實都幾貼近日常生活。記得有段時間影完相仲會望下啲相有無異樣…
3）寂靜嶺 （Silent Hill）
Silent Hill相信大家未玩過都應該睇過佢嘅電影！紅到連外國都要改編做電影嘅佢，由Konami發行，係一隻恐佈生存冒險遊戲。
同樣出過好多唔同系列嘅佢，故事開端主要係圍繞男主角Harry Mason同養女Cheryl係Silent Hill發生車禍，醒返之後發現Cheryl失蹤，所以Harry入去Silent Hill找尋佢嘅下落。
了無人煙…
到處都係血腥嘅味道…
氣氛恐佈唔在講，最有特色嘅其實係遊戲入面嘅怪物造型…全部都異常奇特，但往往背後帶有含意。
最經典嘅有呢隻「三角鐵頭怪」。係由第二代主角James心入面嘅黑暗面。因為佢當年狠下心腸了結佢老婆嘅生命，所以就衍生左呢個三角頭去代表自己嘅暴力無情。
另外仲有好多好多奇型怪狀嘅「生物」
怪物太多不能盡錄，去片俾你地重點重溫下「Silent Hill最恐佈怪物」Top 20啦
4）生化危機 （Biohazard)
生化危機都係恐佈Game？雖然近年嘅佢開始失色，但作為恐佈喪屍遊戲嘅始祖加老大，加上當時年紀少嘅我，佢絕對係驚嚇十足㗎！
第一次認識Biohazard係第一集（不過個陣係睇阿哥玩）真正自己玩嘅，係第二集。
最經典槍店爆玻璃一幕，之前成日嚇親㗎（可憐嘅老闆一出場就BYEBYE）
）以前嘅Biohazrd，我覺得恐佈在於佢有好多解謎部分，再無指示你下一步應該要點做，正因為咁，往往你都會遇到好多出奇不意嘅事。
我永遠都會記得個啲血嘅滴答聲之後抬頭見到獵殺者跌落嚟嘅一幕
同埋相對上以前好多場景都比較壓逼，好有困獸鬥嘅感覺（個人意見）
）
近年嘅Biohazard就變左好多，比較著重劇情，玩家基本上唔駛用腦。加上玩家們戰鬥力大增（個個都係格鬥家）難度下降亦都係減低恐佈感嘅其中一個原因。
）難度下降亦都係減低恐佈感嘅其中一個原因。
不過又唔代表佢唔好玩嘅，只係…唔同Feel囉！我都好鍾意Jake同Chris個條線㗎（又或者我久經訓練習慣左
）
）以上嘅你地有無玩過？或者你地又有無玩開其他恐佈遊戲？開心Share下啦
About Post Author
