小栗旬穿越戰國時代!?最新力作電影『信長協奏曲』!

琴日食飯時,先同「愛美麗」勁腐女係咁講小栗旬同生田斗真呢對CP!
今日忍唔住要同大家講下小栗旬係黎緊星期六上映既電影,『信長協奏曲』!

係日本,之前已經出左日劇版架喇!仲成為富士電視台收視最高既月九(姐係憑星期一夜晚九點鐘播劇集既黃金時段)!
點解咁勁?除左有小栗旬之外,仲有柴崎幸、向井理、藤谷太輔、水原希子、山田孝之!
卡士咁強大,梗係好收視啦!所以就拍埋電影版俾大家睇!

個故事講咩架?
織田信長,其實係由現代穿越時空回到戰國時代既高中生三郎假扮!點解既???

因為遇到同自己似到成個餅印咁既真‧織田信長要去假扮明智光秀,所以就被老屈去假扮織田信長喇。

嘩!小栗旬要分身演兩個角色,仲要一個係現代高中生,一係個戰國將軍!唔知演呢套戲既小栗旬有咩感受呢?

要分身演兩個角色有難度嗎?
小栗旬:「因為係日劇既續集,終於都有個完結向大家交代。由於一個人要分身演兩個角色,都幾費神架。拍戲果陣,例如今日扮高中生三郎,聽日就要扮織田信長,能夠分開黎拍真係好。因為之前拍劇果時,係朝早扮高中生三神,晏晝就扮織田信長,之後夜晚又再扮返高中生三郎,不停轉黎轉去。」

點解咁難呢?
小栗旬:「如果係兩個角色都係同一個時代既人,唔需要顧慮太多。但係,今次係演現代高中生同戰國時代既人,由於兩個唔同時代,所講既語言文法有好大分別,所以真係幾有難度。再講,高中生三郎係個頭腦簡單既人,而織田信長就完全相反,有好多方面都需要深思熟慮,曾經被工作人員話過唔知點樣同我講野(笑)。」

見你拎住把刀咁霸氣,我都唔敢講野(面紅)

對於高中生三郎,你覺得呢個角色係點樣既人?
小栗旬:「呢個角色最有魅力既地方就係佢堅持相信『創造無戰爭既世界』呢一點!我同佢最大既共通點就係,基本上我都係好中意人同人之間既關係,而且好容易就相信人。」

好!貼多d劇照俾大家睇下先!