【媽呀好想去】北海道五大必去景點!

我諗無乜人會唔鍾意北海道呢個地方嫁可!一到冬天,街道上變成全白色,靚到幾凍都唔怕呀,只要望到個景已街心都溶埋。當然唔止冬天,北海道四季都有佢嘅魅力。要花有花,要地有地,要天有天,完全係一個寶庫黎嫁!而且北海道咁大,唔好話去一次,去兩三次都唔夠,滿滿都係值得去嘅地方!而家就講其中五個必必必去嘅景點你知,即將第一次去,或者想去嘅朋友即刻睇啦!
 
1.小樽運河(小樽市)
小樽運河一定係代表住小樽市最出名嘅景點,無計啦佢不分四季不分時間帶都keep住咁靚,想唔知都唔得啦。佢係喺大正12年(1923年 )果時建成,全長1140米。一到左夜晚,附近嘅油燈就會亮起,變成有種夢幻嘅感覺。
 基本資料
・前往方法: 由JR「小樽」駅歩行8分
・営業時間: 不限
 
2.函館山(函館市)
函館山嘅夜景係靚到被數為係世界三大夜景之一嫁!乘搭纜車上山只需要3分鐘,望住夾在函館湾和津軽海峡之間嘅景色,應該無人會抵抗得到嫁!而喺山頂嘅展望台果到,可以食到用左函館新鮮食材嘅意大利餐,一邊眺望夜景,一邊享受美味料理,簡直係奢華嘅享受!
 基本資料
・前往方法: 由市電「十字街」歩行10分
・営業時間: 10:00~22:00
・來回纜車往復費用: 大人(中学生以上)1200円/小孩600円
 
3.四季彩の丘(美瑛町)
對我黎講呢到都係去北海道必去嘅地方!「四季彩の丘」由春天到秋天都會盛文全花草,多到遠睇好似一張用花製成嘅絨毯咁樣。咁冬天無花點算?唔怕,佢會化身成一個雪地,你可以喺到玩雪橇添嫁!而且唔止花田,呢到嘅草泥馬牧場都非常受歡迎,可以餵佢地又可以同可愛嘅草泥馬影相,好正呀!
基本情報
・前往方法: 【鉄道】JR富良野線「美馬牛」駅下車歩行2分
・営業時間: 【4~5月・10月】9:00~17:00
       【6〜9月】8:30~18:00
                        【11月】9:00~16:30
                       【12月〜翌2月】9:00~16:00
                       【3月】9:00~16:30
・費用: free
・最佳時期: 6月下旬~9月
 
4.宗谷岬(稚内市)
就咁聽個名梗係唔知咩黎啦!其實佢好特別嫁,因為呢個位就正正係北緯45度31分22秒,即係日本嘅最北端啦!呢個三角錐記念碑係以北極星嘅一稜做形狀,係記念攝影嘅景點非常出名嫁。喺佢後面就己經係海水,更加有日本最北嘅感覺呀!喺果到附近就有得整「最北端到達証明書」,只要喺果到比人幫你吸個到達日嘅印仔就得嫁啦!順帶一提,記念碑個台係圓型,意思係表示「和平與協調」咁解呀。
■ 基本情報
・前往方法:由JR稚内駅搭宗谷巴士(天北宗谷岬線)約1小時。「宗谷岬」下車歩行即到。
 
5.白金青い池(美瑛町)
呢個景色,係由已經枯乾左嘅落葉松包圍住藍色水邊嘅夢幻風景。有幾勁?勁到會不停上電視,雜誌被介紹咁樣。而呢一個藍色水池,就叫做「青い池」。點解佢會係藍色嫁呢?就好似話係D水含有來由白髭瀑布流出嘅鋁,所以就變左咁。雖然都係藍色,但根據角度,季節,天氣等因素影響下,個顏色都有輕微變化。睇嘅最佳時機就係5月中旬至6月下旬呢段時間啦。
 基本情報
・前往方法:由JR美瑛駅坐車約30分、由旭川空港坐車約40分、由白金温泉坐車約5分
・閉鎖期間:冬天

回覆

水之靈的圖片
美馬牛站去四季彩之丘應該要行20分鐘吧...
成3公里遠架...想起嗰日30幾度行過去都唔野少...