如果你喺GoogleMap上打「世界一」,會發生咩事?

如果喺GoogleMap到打「世界一」嘅話,會出現D咩呢?嘩超犀利,而家科技嘅發達搞到一打「世界一」就顯示出勁多日本嘅世界第一景點出黎,真係方便到呢。由於實在太有趣,所以我地一於睇下GoogleMap出現嘅「世界一」係咩地方同埋點樣第一法啦!
 
【世界一Game center エブリデイ行田店(埼玉縣)】
呢個世界第一嘅Game center有咩咁特別點解係第一?原來佢係被傑尼斯肯定左係世界最多台UFO嘅遊戲中心,總共有成307台!超大規模,唔怪得之係世界第一啦!有D仲要係抵玩到100円玩5次甚至8次,真係好想去玩一日啊!當然仲有好多其他遊戲機,不過呢到最出名嘅就係爆多UFO!
 
名稱:UFO基ゃっ地ゃーエブリデイ 行田店
地址: 埼玉県行田市下忍644-1
前往方法:在JR高崎線吹上駅搭朝日巴士,在「樋の上入口」下車後歩行4分
營業時間:平日12:00~24:00/六10:00~24:00/日10:00~23:00
 
【世界一櫻並木(青森縣)】
呢個被譽為世界第一嘅櫻並木,全長約20km,係世界最長嘅櫻並木(已經好難幻想20km嘅櫻花樹連住會係幾咁壯觀)。總共有約6500棵櫻花樹,由1985年開始用左大概10年去種植,花期到開滿果時真係靚到humhum聲嫁!好想去呀救命!
 
名稱: 世界一長い桜並木
地址:青森県弘前市百沢~常盤野
前往方法:在JR奥羽本線弘前駅搭40分鐘往「枯木平」方向嘅弘南巴士,岩木山総合公園下車就到
開花時期:大約每年4月下旬~5月上旬
 
【世界一得閒嘅拉麵屋(大阪府)】
唔好懷疑,佢個名真係叫世界第一得閒拉麵屋,但只係得個名,因為其實佢忙到甩碌。呢到有6種拉麵,仲可以歎到世界最高水準嘅日本啤酒「COEDO」。拉麵係店家自家製,而湯係醬油底嘅雞湯。價錢大概係800-900円一碗,唔算貴喎!明明佢係要人排哂隊嘅名店,但偏偏就改個咁得閒嘅名,我諗佢可能真係想得閒D。
 
名稱:世界一暇なラーメン屋
地址:大阪府大阪市北区中之島3-3-23 中之島ダイビル 2F
前往方法:京阪電車中之島線「渡辺橋駅」歩行3分
營業時間:11:00~15:00、17:30~23:00(星期日、紅日休息....咁你就知佢平時有幾好生意)
 
【世界一長椅(石川縣)】
喺石川縣嘅増穂浦海岸呢到,有張長460.9米嘅世界最長長椅。呢到會有呢張咁長嘅椅,原因係因為呢個海岸可以睇到日本海嘅日落,而為左令多D唔同地域嘅人都知道呢樣野,就整左呢條喺1989年被傑尼斯認定為世界最長嘅椅啦!
 
名稱:世界一長いベンチ
地址:石川県羽咋郡志賀町富来領家町
前往方法:從富来町bus terminal歩行5分鐘