【奈良美食】奈良第一拉麵推介みつ葉 好味到反眼!!

 
▼相信富雄對大家黎講係一個好陌生嘅車站
 
▼其實富雄係位於奈良區,撘近鐵奈良線就可以到達,"奈良站"前5個車站~
 
▼點解我要去呢個冷門車站呢,就係因為一碗拉麵,一碗喺2016年被選為全日本第15名,奈良第1名嘅拉麵
(日本拉麵2106排名表:http://tabelog.com/tw/award/ramen/
仲喺日本OPENRICE TABELOG拎左4.16嘅高分數!高過4分嘅餐廳全日本只有唔夠0.5%嘅餐廳達到這個分數。
 
▼出左站行5分鐘就可以到達
 
▼就係呢間叫做《ラーメン家 みつ葉》嘅拉麵店,你見出面好似唔算太多人,但呢個只係幻象....
 
▼門口大大張貼上2016日本拉麵TOP 50的海報!
 
▼有2條隊要排?係呀,一條係拎整理卷嘅隊伍,另一條就係拎住整理卷等入去食嘅隊伍!即係話門口得咁少人並唔係真係咁少人,係因為其他人都拎左整理卷,整理卷會寫上時間,咁就跟返寫住嘅時間返黎食就得啦!我覺得呢個派整理卷嘅方式真係唔錯,起碼唔駛企係度呆等
 
▼為防止你拎左整理卷又唔返黎,所以要喺自助販買機揀好拉麵比左錢先!
拉麵係有鹽味(藍色)同醬油味(橙色)選擇!都係750YEN咋~
想加大個麵係唔駛加錢,非常抵食!
而想多啲肉嘅話就揀第二行950YEN嘅選擇!
 
▼最後我10:30黎到係拎到14:10嘅整理卷(左邊),咁就去奈良睇完鹿仔再返黎啦!
 
▼到左14:10仲要門口等多一陣先入到黎,終於都食得啦!!
 
▼前面多肉個碗係醬油味,後面個碗係鹽味
 
▼醬油味拉麵,食評我就唔再多講,詳細可以睇片,真正好味到喊!!好味到反眼!!
 
▼鹽味拉麵,我覺得比醬油味更好味,真係食好味俱全,好好好好味!!
 
▼可以見到湯底係幾咁濃郁,以豚骨同雞肉熬煮左7個鐘而得出嘅濃郁湯底!
 
▼麵條吸收晒啲湯底,非常好味!
 
▼叉燒肉質偏軟,一入口就食到黑胡椒味,好正!!
 
▼流心蛋都係一流!
 
▼仲有我最愛嘅筍~
 
▼睇下我個樣幾咁滿足,可以話係我成世人食過最好味嘅拉麵,真係唔係講笑!!
 
▼店內仲有みつ葉即食麵購買,即刻想買返幾包返去煮黎食,點知佢話賣晒,不過佢話711都有得買。
 
▼奈良711限定,我買個時只係剩低呢2包,即刻買晒去先,如果大家去奈良記得去711掃貨呀!!
 
▼而富雄其實都係一個好靚嘅地方,有時間大家都可以周圍行下!
 
ラーメン家 みつ葉
地址:奈良県奈良市富雄元町3丁目3-15-1
營業時間:11:00~13:30