延羽之湯 鶴橋店|大阪天然溫泉+汗蒸幕 日韓文化融合 非一般享受!

延羽之湯 鶴橋店|大阪天然溫泉+汗蒸幕 日韓文化融合 非一般享受!

大阪延羽之湯 鶴橋店|好多人去大阪都會去心齋橋行街,又或者去環球影城玩返日,咁如果想嘆返一日呢?今次就想介紹大家呢間會一去再去,超正嘅溫泉館-【天然溫泉 延羽之湯 鶴橋】!點解話會一去再去,又可以嘆到成日呢?事關呢度唔只有溫泉浸,仲有藥石汗蒸房可以焗汗,價錢亦十分經濟,一個價錢就可以嘆成日!係個十分正嘅地方,所以決定寫呢篇blog分享下!

日本溫泉樂園:Spadium Japon東京溫泉樂園名古屋溫泉 天空SPA HILLS

大阪天然溫泉 「延羽之湯 鶴橋」

呢間【天然溫泉 延羽之湯 鶴橋】有藥石汗蒸房、室內及露天溫泉,仲有私人貸切風呂,一幢4層,真係可以喺入面嘆成日㗎~

延羽之湯 鶴橋店|大阪天然溫泉+汗蒸幕 日韓文化融合 非一般享受!

好,開始介紹啦!一入到去擺好咗鞋就可以登記啦,首先睇下自己想做啲咩或揀咩package,揀好咗之後職員就會俾一個電子鎖鑰圈你,其後喺入面嘅消費,都係用呢個電子鎖鑰圈嘟一下,就可以最後一次過計返錢㗎啦。

延羽之湯 鶴橋店|大阪天然溫泉+汗蒸幕 日韓文化融合 非一般享受!

首先講下藥石汗蒸房,如圖所見分咗左右兩面,左邊係汗蒸房,右邊係藥石房。汗蒸房入面間隔開揚,分咗藥石火焰爐區同岩塩房。岩塩房係可以成個人捐入去個洞度焗汗(好攪笑),屬於更高溫嘅區域。

延羽之湯 鶴橋店|大阪天然溫泉+汗蒸幕 日韓文化融合 非一般享受!

藥石汗蒸房使用貴重藥材及低溫至高溫熱,有美容、健康及回復疲勞之效。好多人都試過韓國嘅汗蒸幕,呢個同樣原理嘅汗蒸房,加咗藥材,俾客人有一個休息又可以美容嘅時間。入到去就會俾一套衫你換,就係以下呢套啦。

延羽之湯 鶴橋店|大阪天然溫泉+汗蒸幕 日韓文化融合 非一般享受!

而藥石房就有分幾間細房,入面有各種藥材包,所以會有好大浸中藥味,每間房大約可以瞓8-10人左右。兩邊區域都係男女共用,入到去記得唔好發出太大噪音騷擾到其他人哦。

休息室

汗蒸完大家就可以出嚟休息區,有雜誌漫畫等等俾客人慢慢休息。

延羽之湯 鶴橋店|大阪天然溫泉+汗蒸幕 日韓文化融合 非一般享受!延羽之湯 鶴橋店|大阪天然溫泉+汗蒸幕 日韓文化融合 非一般享受!

露天風呂

露天風呂分男女部,有4個唔同嘅池,入面仲有桑拿可以焗!
延羽之湯 鶴橋店|大阪天然溫泉+汗蒸幕 日韓文化融合 非一般享受!延羽之湯 鶴橋店|大阪天然溫泉+汗蒸幕 日韓文化融合 非一般享受!

室內風呂

室內風呂有分內湯同座湯,同一般溫泉無差。

延羽之湯 鶴橋店|大阪天然溫泉+汗蒸幕 日韓文化融合 非一般享受!延羽之湯 鶴橋店|大阪天然溫泉+汗蒸幕 日韓文化融合 非一般享受!

私人風呂(華離宮) 重點!!!

呢個十級推薦嘅私人風呂,好適合一家人或者一對couple嚟!因為日本通常係大眾浴場,都係男女分開嘅,呢個地方就可以俾家庭或情侶使用啦。喺4樓一共有11個私人風呂,登記時同職員講咗大概想幾點浸,時間差唔多嘅時候就可以上去,如果唔記得咗,佢仲會去搵你提返你?,好細心㗎。入到去貸切風呂,有齊梳洗用品,環境十分舒適,限時一小時。呢個係額外收費嘅,如果想用耐啲都可以同返職員講~

延羽之湯 鶴橋店|大阪天然溫泉+汗蒸幕 日韓文化融合 非一般享受!

私人風呂就有三個房型,咁就可以揀返個自己鍾意嘅房型。房同溫泉隔咗一度玻璃門,溫泉係露天嘅,仲有沖涼嘅corner,真係十分舒適㗎~

(一)
延羽之湯 鶴橋店|大阪天然溫泉+汗蒸幕 日韓文化融合 非一般享受!

(二)
延羽之湯 鶴橋店|大阪天然溫泉+汗蒸幕 日韓文化融合 非一般享受!

(三)
延羽之湯 鶴橋店|大阪天然溫泉+汗蒸幕 日韓文化融合 非一般享受!

我自己勁鍾意呢個溫泉館,因為入面應有盡有,價錢又唔貴,我自己已經去過3次啦!呢度職員服務亦十分好,設備乾淨整齊,鍾意嘆嘅人可以直程喺入面嘆返日都得!默默地好想香港都有一個咁嘅地方,一定會成日去~~如果大家下次去大阪記得去呢個咁正嘅地方啦!

延羽之湯 鶴橋店|大阪天然溫泉+汗蒸幕 日韓文化融合 非一般享受!
====================

延羽之湯 鶴橋店收費

温泉・露天風呂・桑拿(不限時):

平日 週未及假期
大人(中学生以上) ¥900 ¥1,000
小人(小学生以下) ¥500 ¥560

藥石汗蒸房(不限時):

平日 週未及假期
大人(中学生以上) ¥1,080 ¥1,180
小人(小学生以下) ¥680 ¥750

私人風呂(華離宮):

1房(1小時):3,900円

====================

延羽の湯 鶴橋店

  • 地址:大阪市東成区玉津3-13-41 (鶴橋駅步行約10分鐘)
  • 電話:06-4259-1126
  • 營業時間:9am ~ 2am(最終受付 深夜1時)薬石汗蒸房最終受付深夜24時
    網址:http://www.nobuta123.co.jp/nobehatsuruhashi/