【大阪美食推介】梅田EKI超抵食蟹炒飯

▼今次我向大家推介嘅美食就係位於大阪站商場EKI入面嘅食肆!
 
▼叫做「かにチャーハンの店」,106號舖
 
▼係一間以蟹為名嘅餐廳,大部分食物都以蟹為主!
 
▼由於餐廳很小,座位是L型分佈,只有12個位置左右。
 
▼所以我都要排隊等左15分鐘先食得!
 
▼有8個餐選擇
 
▼係排隊期間已經有人幫你落單先(可以叫佢比英文MENU),我地就叫左1號餐890YEN嘅「蟹肉炒飯」~
 
▼同埋4號餐790YEN嘅「半熟雞蛋蟹肉蛋炒飯」
 
▼另外再加120YEN叫左一個碟炸雞同加200YEN叫左3隻餃子~
 
▼坐低左可以見到師傅炒飯,工架十足!
 
▼飛起左嘅炒飯
 
▼「蟹肉炒飯」份量看似唔係好多,但其實都唔少,好飽肚!
 
▼珍珠米炒飯粒粒分明,非常好味!!
 
▼蟹肉亦都好新鮮,不過比圖片少
 
▼而呢個「半熟雞蛋蟹肉蛋炒飯」真係超好味,上面個「蟹肉炒飯」可以叫做中華料理,而呢個就係偏向日式嘅做法,個汁甜甜地,配合香滑炒蛋再加鑊氣十足嘅炒飯,真係超正!!佢個蟹肉比「蟹肉炒飯」嘅蟹肉少,相信呢個就係平啲嘅原因!
 
▼見到都流口水,2揀1嘅話,推介大家點「半熟雞蛋蟹肉蛋炒飯」多啲,因為平啲又好味啲!!
 
▼而佢每個餐都有蟹肉味增湯附送,好好飲,真係飲到鮮甜蟹肉味!
 
▼湯入面有會發現蟹肉~
 
▼加120YEN嘅炸雞好滑好好味,都推介大家點埋,120YEN真係好平~
 
▼但係個餃子相對就冇乜特別,200YEN得3隻相比之下就貴左啲啦,唔推介大家叫呢個!
 
▼最後食左咁多野都係2000YEN埋單咋!非常滿足!!
 
▼除左大阪站分店之外,大阪其他地方同東京都有分店架,大家快啲試下啦!
 
「かにチャーハンの店」大阪站分店
地址:大阪府大阪市北区梅田3-1-1 エキマルシェ大阪106店
電話:06-6341-3103
營業時間:10:00~22:30