【大阪旅遊】大阪周遊卡免費景點推介3-天然溫泉 浪速之湯

上一編文章我就推介左"大阪周遊卡"比大家,3000YEN就可以任撘2日大阪地鐵同可以免費去超過30個大阪嘅觀光設施,不過30個觀光設施2日就一定去唔晒,我就將我去過嘅觀光設施詳細介紹比大家,睇下大家有冇興趣啦!
 
大阪周遊卡介紹:http://www.likejapan.com/osakaamazing
大阪周遊卡官方網址:https://www.osaka-info.jp/osp/cht/
 
景點推介(3):天然溫泉 浪速之湯
官方簡介:這是被譽為「美人湯」的天然溫泉。不僅有可以觀賞飛機和美麗星空的露天浴場,還有岩盤浴以及舒暢身心的按摩等,在這裡,雖然身處大都會中,卻能品味到愜意的度假樂趣。※岩盤浴、舒暢身心的按摩費用另付。※身上有刺青者謝絕入浴。沒有附毛巾。
 
一般費用:800日圓
地址:北區長柄西1-7- 31
營業時間:每週一至週五10:00~淩晨1:00(0:00停止接待),每週六、週日8:00~隔天1:00
休息日:無休(維修期間休館)
電話:06-6882- 4126
網址:http://www.naniwanoyu.com/
 
▼大阪周遊卡有2個免費溫泉設施可以去,其中一個就係位於 “天神橋筋六丁目”站。
 
▼睇返地圖,只要5號出口出,直行10分鐘就會到!
 
▼搵5號出口先
 
▼出到黎就直行20步左右,然後第一個路口位轉左
 
▼一直行,當中會見到 “加納總合病院”
 
▼繼續直行到尾,大約行10分鐘
 
▼去到盡頭就會見到 “天然溫泉浪速之湯”嘅大廈係右手邊架啦!
 
▼好大個LOGO寫住 “天然溫泉”
 
▼門口位置
 
▼溫泉喺8F
 
▼上到去第一時間轉去左邊除鞋放LOCKER先
 
▼然後就可以過去COUNTER
 
▼又係比張 “大阪周遊卡”職員DO一DO就可以
 
▼之後就可以入去浸溫泉!
溫馨提示:記得準備好100YEN硬幣,用黎放LOCKER,最後可以拎返走嘅;同埋要自備毛巾!
 
▼但由於入面唔可以影相嘅關係,所以我就喺官網道搵啲相比大家睇啦!
(官網:http://www.naniwanoyu.com/
一入到去嘅更衣室就係咁樣~
 
▼溫泉分左室內同室外,溫泉非常寬敞,可以容納到好多人!不過注意返日本溫泉係要全祼進入的,冇得話著埋泳依入去咁樣!個人非常喜歡室內露天溫泉,因為感覺較空曠同有喺郊外浸溫泉嘅感覺,覺得好正HAHA
 
 
▼室內溫泉都唔錯,有唔同水療效果嘅溫泉浴池,仲有按摩浴池,非常舒服!
 
▼仲有桑拿室同蒸氣室,設施非常齊全!
 
▼此處為浸完溫泉沖涼嘅地方,有齊沖涼液,洗頭水,護髮素提供!
 
▼浸完出返大堂緊係買返杯野飲先
 
▼呢道有好多飲品自助販賣機
 
▼我就揀左呢部可以即沖嘅飲品自助販賣機
 
▼可以自助調較甜度,奶嘅多少同濃度
 
▼然後就可以睇住部機調較飲品,都幾得意
 
▼不過味道就一般啦HAHA
 
▼另外肚餓嘅話呢道都有小賣部,飯同麵都有提供
 
▼就係飲品販賣機背後嘅呢一個小賣部
 
▼除此之外,仲有果汁賣添
 
▼同埋雪糕,浸完溫泉食雪糕應該好正
 
▼最後呢道仲有幾部按摩機提供
 
▼都係200YEN 10分鐘,唔算貴,大家浸完溫泉都可以試下呀!
 
總括黎講我認為持有大阪周遊卡嘅朋友仔一定要浸一次溫泉,因為真係好舒服!而除左呢間 “天然溫泉浪速之湯”之外,大阪周遊卡仲提供左另一間免費嘅溫泉設施叫 “SPA住之江”,歡迎上官網睇返; 可以嘅話浸晒2個溫泉都唔錯架!去完溫泉之後我就去左附近嘅 “大阪生活今昔館”;不過其實我做錯左,應該去完今昔館先去浸溫泉,想知點解就留意我下一編BLOG啦!