大件夾抵食 大阪人氣平價便當店

大阪有個霸氣朵「關西廚房」,行到邊美食就去到邊,大阪燒章魚燒魚生串炸,十個胃都唔夠載!估佢唔到嘅係,原來大阪連便當都一樣咁正㗎~一齊嚟睇下大阪當地人歡迎嘅便當店有幾大件夾抵食啦~
 
 
今日要介紹嘅便當店喺天神橋商店街嘅cook deli 御膳(GOZEN)~
離遠已經聽到店員叔叔非常賣力嘅叫賣聲~
行到門口就見到「每日特平之選」~
我去?日嘅「每日特平之選」係炸雞扒便當計返港紙都係22蚊!啲雞多到我差啲睇唔到啲飯啊!
 
如果你係大胃王,一般份量唔夠食嘅話,可以考慮食以下依款大碼便當~
有牛肉+可樂餅+餃子/蛋,另外又有炸雞+可樂餅+沙律等等等等等,總之有好多唔同組合,咁大盒都係27蚊~
 
如果唔想食咁多飯,淨係諗住買少少小食食吓嘅話,可以就咁買炸物/沙律~
咁啱撞正感謝日的話就發達啦!計埋稅唔洗100yen就可以買到可樂餅/炸魷魚/新鮮野菜沙律/蛋沙律/菠菜沙律~
 
雖然我當日唔係感謝日,不過咁啱係炸魷魚嘅特價日!10蚊唔洗就可以帶盒返屋企!
 
日本嘅蛋沙律真係特別好食!因為佢地啲蛋特別香濃~做出嚟嘅沙律自然特別有蛋味!(一樣係10蚊左右一盒~)
 
除咗沙律之外,炸物亦好受大家歡迎!
左邊嘅牛肉可樂餅100YEN3件,件件都大大舊,唔怪之係人氣NO.2啦!
右邊依個點解要貴啲?原來因為佢係蟹肉cream可樂餅!雖然貴咗少少,但一盒2件都係10蚊咗右~係咪好抵先!
 
另外炸雞脾肉(11蚊100g)係cook deli 御膳嘅名物,鍾意食炸雞嘅朋友可以試下係咪真係咁好食!
 
可能有人會話,依到一係就凍嘅沙律、一係就熱氣嘅炸物,有冇啲唔熱氣唔凍又好食嘅料理啊?
有!睇吓依個人氣no.5嘅煮茄子同青椒~雙拼一盒加埋都係9蚊……抵到爛啦!
 
不過如果比我揀,我一定會買啲平時一定唔會自己煮嘅料理,例如魚!汁煮鯖魚同燒鯖魚都好似好好食咁,有大有細,一個人都唔怕食唔晒!(細盒大約9蚊)
 
唔係掛?啱啱講?啲冇樣啱食?咁自己夾實啱心水啦啩!
揀個啱size嘅盒,望向後面……
 
嗚呀呀呀呀這甚麼啊!!!!根本係自動餐嘅質素!
 
價錢全部一樣係約13蚊100g~其中一個櫃嘅款式主要係蔬菜~好多都好似好好食咁!
 
另外又有天婦羅、炸豆腐、焗薯仔等等其他料理~
 
大家可以淨係買餸,亦可以一次過買埋飯~
不過由於飯嘅價錢餸唔同(6蚊100g),大家唔好貪方便放晒係用一個盒到啊!
 
而家大熱嘅有味飯、五穀飯、各式各樣飯都有,飯桶們完全唔洗擔心唔夠飯食~
 
最後,雖然由於本人成日都食飯團,唔想千里迢迢嚟到大阪都食飯團...不過如果大家想簡簡單單,買啲可以一路行一路食嘅飽肚食物,依到嘅飯團都係一個唔錯嘅選擇~普通三角形飯團7蚊就有一個……我今日先係東京買咗2個12蚊1個嘅飯團……哭哭……嗚我想返大阪啊!!!!!
 
點呀,睇完之後覺得cook deli 御膳夠唔夠平靚正呀?
咩話仲未夠?咁大家試下夜晚7點半之後先去掃便當啦~全部都有半價!!!!!!!(不過就手快有,手慢冇啦~)