坐交通工具化妝都叫無公德心?

近日東京嘅東京急行電鐵出左個叫人保持公德心嘅廣告~
 
第一個廣告係叫人唔好歩行時使用智能電話,車長個人認為就算無智能電話,以前I-mode年代都係歩行時使用電話㗎啦!
其實第一個廣告無咩大問題。
 
問題喺第2個廣告:
YouTube:
 
「都会の女はみんなキレイだ。でも時々、みっともない」
呢句標語指喺大都會中每個女性都好靚,但有時令人無眼睇。
其實個廣告就係叫人唔好喺電車上面化粧。
 
網絡上就出現左大量支持同反對嘅聲音。
反對嘅聲音指:
「喺電車上面化妝有邊忽係無公德心?」「個廣告喺對女性嘅打壓」
仲指男性喺車上面飲酒、強烈體臭、發酒瘋、騒音、痴漢...等等都比電車上面化妝更嚴重,點解要糾纏係化粧問題上?
 
而支持聲音指:
「電車内化妝嘅女人唔合理」「無公德心同犯罪行為兩回事」
 
東急指廣告係要啓發乘客要有公德心,但對於唔好喺電車上面化妝個廣告出現咁多反對聲音就無回應。

車長個人認為,喺車内化妝喺無問題,只要唔阻到、整到或整污糟人或物同嚇親人就無問題。有時大家把呎,度人地時就會好短, 度自己時就好長。

 
好似喺交通工具上面嘅優先座咁,某啲人認為後生嘅無事就唔應該坐。就算你唔舒服,坐咗就分分鐘YouTube見。所以車長家下病到九彩,就算暈都唔敢喺香港坐優先座,就係驚有日喺YouTube見到「廢青肥屍大隻坐優先座」而本車長係主角...
 
同時某啲人就認為唔係優先座就無必要讓坐。本車長就認為就算係唔係優先座都唔緊要人地只有比本車長更有需要的話任何坐位都係優先座本車長都會讓畀比啲更有需要嘅人!只要本車長見到或者有出聲指比本車長更有需要的話!
 
咩係公德心大家應該要諗下喇~