在東京搭訕成功率最高的地方食肉壽司!

在東京搭訕成功率最高的地方食肉壽司!

 

首先,如果想睇完整介紹,記得睇埋上面條片啊!
 
今日要同大家介紹嘅地方就係連地道東京上班族都會推薦,有美食得嚟仲係搭訕成功率最高嘅地方:惠比壽橫丁
在東京搭訕成功率最高的地方食肉壽司!
 
▼喺呢個惠比壽橫丁入面有大概20幾間餐廳,全部都係好似日式屋台同居酒屋嘅設計。
在東京搭訕成功率最高的地方食肉壽司!
 
位於涉谷區惠比壽,好多上班族放工都會同同事呀上司下屬飲酒吹水食飯,遊客反而好少嚟呢!
而今日我哋要介紹嘅就係入面一間好出名嘅「肉壽司」!
 
▼當日我哋6點幾鐘去到已經非常墟冚,所以建議大家唔想排隊記得早啲去食呀!有啲日本人5點半就放工架喇。
在東京搭訕成功率最高的地方食肉壽司!
 

一般遊客去日本一定會食魚生或者海鮮壽司,而呢度就係食肉獸嘅天堂喇!因為佢嘅主打都係唔同肉類嘅壽司,包括牛、鴨、豬、甚至馬肉,有生有熟,款式繁多!除咗壽司仲有伴酒小菜、炸雞等等。
 
▼每檯都會有一碟免費前菜:味增茄子
在東京搭訕成功率最高的地方食肉壽司!
 
▼熟馬肉壽司:270Yen
▼煙薰鴨壽司:230Yen
▼韓式牛肉壽司:~200Yen
▼生馬肉壽司:180Yen
在東京搭訕成功率最高的地方食肉壽司!
啲嘢唔單止好食,仲要非常值得「呃like」。賣相非常唔錯!

 

▼呢塊炙燒牛肉壽司真係不得了,店員會拎到你面前即場用火燒,超級正。
在東京搭訕成功率最高的地方食肉壽司!
 
▼[名物!!さしとろ] 肉寿司
用日本國產牛製成 肉壽司名物:盛惠880Yen
在東京搭訕成功率最高的地方食肉壽司!
 
當中飲料menu入面竟然畀我見到有杯叫「色色桃味汽酒」嘅cocktail,特別在佢係專門俾男士點俾同枱或隔離枱覺得佢靚女嘅食客!根本就係光明正大畀人溝女用。
 
惠比壽橫丁入面其實位置空間唔大,但就因為迫夾反而營造咗一陣親近嘅感覺。飲多兩杯之後無論男女都會開始大膽,所以好容易可以同隔離枱嘅人傾埋一份乾杯埋。我仲親眼目睹有個model咁靚嘅女仔一出廁所就俾男仔搭訕添!當然,如果你係唔鍾意俾人搭訕,無視佢哋、或者講廣東話都得㗎!反而因為上班族多,有啲人英文都流利添!
在東京搭訕成功率最高的地方食肉壽司!
 
結果我哋當日都有俾人叫停一齊飲酒。但女仔們就要記得小心知道自己嘅酒量係幾多(因為佢哋真係會一路請你哋飲)。不過同我哋飲嘅有男有女,其實傾得幾開心,有時識下新朋友聽下佢哋嘅人生經歷都幾有趣架!男士們如果想搭訕就記得袋定多啲錢請人飲酒用喇~
 
惠比壽橫丁
地址:澀谷區惠比壽1-7-4
交通:JR惠比壽站西口往六本木方向走三分鐘
網站:http://www.ebisu-yokocho.com/top.html (有埋其他餐廳介紹!)