嚟東京?學整和紙喇!

嚟東京?學整和紙喇!

一張靚紙係十分嘅吸引人,平時係文具店見到靚紙都會忍唔到手摸一摸佢。和紙世界聞名,難得嚟到日本梗係想認識更多有關和紙嘅嘢喇!於是呢,我同Helena就去咗「小津和紙」學整和紙。想參加和紙workshop只須要打電話預約就可以喇,就算唔識日文都冇問題,英語預約都ok。每個workshop收生都只係4、5人左右,價錢就大概係45蚊,十分之抵啊!由三越前站出發大概5分鐘腳程就會搵到「小津和紙」喇!
嚟東京?學整和紙喇!
 
小津和紙係一間和紙專門店,除咗一般書寫用嘅紙外,更加有出售各式各樣嘅手漉和紙(Handmade Washi)同千代紙。每張紙嘅價錢都唔一樣,有啲定價幾千蚊港紙,平嘅五、六十蚊都有選擇。
嚟東京?學整和紙喇!
 
一開始師傅播左段有關和紙嘅短片。睇完短片就開始整和紙喇!師傅會示範兩次,跟住就到我地喇!步驟唔算太複雜,首先將一個叫「簀桁」嘅竹器兜五次造和紙用嘅漿,每次動作都唔同,要掌握好力道同速度都有一定難度。
嚟東京?學整和紙喇!
 
然後就慢慢咁壓返張紙出嚟。呢個時候張紙仲係好濕,未拎得上手嫁!要用機風乾佢!
嚟東京?學整和紙喇!
嚟東京?學整和紙喇!
 
最後就擺上去一塊特製嘅板上面燙乾。擺上去之後仲要立即用掃掃平佢,如果唔係乾咗就皺哂嫁喇!
嚟東京?學整和紙喇!
 
最後製成品~呵呵
嚟東京?學整和紙喇!
 
如果風乾前加幾drop,仲可以做到呢種效果!
嚟東京?學整和紙喇!
 
小津和紙三樓仲係一間小型嘅展覽室,呢啲作品全部都係用和紙整嫁!
嚟東京?學整和紙喇!
 
全力支持:大新銀行、香港航空、中國平安保險