名古屋的驚世花花世界!

嗱,去日本旅行,除左東京大阪北海道沖縄之外,名古屋都係一個唔錯嘅選擇。
佢比起頭先提到嘅熱門旅遊地,叫做無咁多遊客,
起碼唔會喺條街到瘋狂聽到普通話或者廣東話先。
咁到底去名古屋有咩做呢?我就認為以下呢個地方真係必去嘅,
唔係你就絕對哂左機票錢啦!!
 
佢就係:なばなの里
 
呢個地方,以睇花海同燈飾出名嘅。
講到花海,なばなの里真係數一數二嘅必去景點呀。
點解?唔講住,睇相先!
 
嘩見唔見到靚到咩地步?係靚到。。。我都唔識講。
呢D鬱金香黎緊予定3月下旬就會開幕,
呢段時間會去名古屋嘅朋友記得mark低啦!
 
但其實佢每年唔同時候都會因應季節而轉花,
好似2月尾到3月尾就會係櫻花
 
5月到6月就係玫瑰咁樣,所以其實可以放心,
因為3月-7月都係有花海睇的啊。
 
晏就睇完花海,夜晩就當然要睇埋燈飾啦!
佢地每年都有一個主題區,
而2015-2016嘅主題就係「アルプスの少女ハイジ」,
即係大家都熟悉嘅動畫「飄零燕」合作而成嘅夢與感動嘅結成品。
而因應住呢個主題,就會有相對嘅燈飾。
全部都係用真嘅LED燈而造成,唔係用投影機呃人嫁。
大家睇下!真係靚到喊出黎呀!
(呢張係俯瞰落去嘅圖)
 
瑞士嘅大自然美,動物,喺動畫中出現過嘅教堂,
牧羊人同埋飄零燕小女孩都會出現嫁!
順便提番大家,呢個主題會去到今年5月8日嘅。
 
另外,除左主題區之外,仲有呢個閃到要戴超嘅「華回廊」呀!
「華回廊」即係光的隧道。
呢條長200米嘅燈光隧道早喺2006年已經登場,比環型嘅燈光包圍住,真係直頭心都暖埋呀。
 
而呢一條隧道呢就新D嘅,長100米,全藍色,
係為左比人感覺到自己好似被天空同大海包圍咁,想浪漫死人咩!
 
地址:三重県桑名市長島町駒江漆畑270  なばなの里