【合羽橋道具街】自己動手做「天婦羅」

提起淺草你會諗起啲咩?淺草寺?和服?定係美食?有冇諗過合羽橋道具街呢?
 
合羽橋道具街位於淺草同上野之間,呢條街大約有170間專賣店,主要售賣各式餐具、機器、廚房設備、食品原材料、包裝用品等等 ,不過....最吸引我嘅就係...食物模型喇!!!
合羽橋道具街
 
合羽橋道具街
 
所有同餐廳有關嘅用品一應俱全,要燈籠有燈籠、要餐牌有餐牌
合羽橋道具街
 
三色丸子直頭以假亂真啊!
食物模型
 
個case仲大過部電話
合羽橋道具街
 
見到咁大隻蠔已經流哂口水
合羽橋道具街
 
送禮自用都一流啊
合羽橋道具街
 
做電話架又得
合羽橋道具街
 
行咗一陣,終於搵到呢間目標店鋪「元祖食品Sample屋」
合羽橋道具街
 
廚窗有好多展品睇,除咗睇得唔食得之外,仲係非賣品嚟㗎!
食物模型
 
嘩....連流動緊嘅液體都做到...真係好犀利啊!
食物模型
 
廣島燒啊!我愈睇愈肚餓喇!
食物模型
 
像真度100%!!!
食物模型
 
睇完係咪心思思想買返屋企呢?入面有好多!但價錢一啲都唔平...真係買唔落手....
食物模型
 
壽司磁石貼
食物模型
 
Pancake盒仔
食物模型
 
呢個Pizza係砌圖嚟㗎!不過要成$430港紙...
食物模型
 
食物模型
 
難得一場嚟到,冇理由淨係得個睇字㗎...其實我一早Book咗「食物模型班」!
食物模型班
 
我已經換上「春裝」喇!哈哈
食物模型班
 
開始之前要揀「食材」先,每人可以揀兩款,估到整乜嘢食未呢?
食物模型班
 
Yeah!就係天婦羅喇!係咪好似真嘅一樣呢?
食物模型班
 
開始之前,老師會示範一次,等大家有個概念先,首先,將液體嘅蠟由高處倒落暖水入面,形成「天婦羅嘅炸粉」(雖然唔識聽日文,但老師講嘅每一句我都完全明白佢嘅意思
食物模型班
 
之後放隻蝦係面
食物模型班
 
之後將隻「炸蝦」45度角咁向下拉
食物模型班
 
反轉,然後將佢包住就完成喇!大家忍唔住一齊拍掌講「su哥兒!」
食物模型班
 
輪到我試喇,原來睇就容易,到落手落腳做嘅時候係好難!(我整到塊皮好多洞洞啊,老師係咁指住邊度要補返啲洞)
食物模型班
 
老師忍唔住出手幫我
食物模型班
 
我人生第一隻「天婦羅炸蝦」出世喇!
食物模型班
 
要即刻浸凍水「過冷河」,隻蝦就會即刻變硬㗎喇!
食物模型班
 
講個秘密俾你知吖....其實係好耐以前睇旅遊節目,我見到主持人整食物模型,我覺得好神奇又好羨慕,然後一路將呢件事放咗係心到,希望有朝一日可以試吓,呢個小小小心願今日終於達成喇!真係好開心
食物模型班
 
輪到整「南瓜」,有第二次機會做好啲!(杯蠟真係好熱啊!)
食物模型班
 
 
食物模型班
 
一反!又得咗!
食物模型班
 
即刻過冷河
食物模型班
 
最後輪到整「原個生菜」!
食物模型班
 
白色係用嚟做「生菜」入面個心,要壓一壓整啲菜紋出嚟先似
食物模型班
 
加一層綠色做菜葉
食物模型班
 
然後向下一拉....神奇嘅事發生咗喇!變咗一大塊菜葉!又薄又透!
食物模型班
 
慢慢將佢摺埋,唔好咁大力,會變型㗎
食物模型班
 
有老師嘅神來之手幫一幫,小朋友都識整啊!
食物模型班
 
嘩!我棵菜啊!睇落係咪好新鮮呢?
食物模型班
 
之後老師會問你想唔想切開個生菜
食物模型班
 
我就揀咗切喇!
食物模型班
 
哈哈....好迷你啊!
食物模型班
 
我嘅作品,加埋個外賣盒同紙袋,驟眼睇真係好似食得...好滿意啊
食物模型班
 
其他同學嘅作品,有老師係到,個個都整得似模似樣啊!
食物模型班
 
上完堂都仲未夠喉?可以去樓下買返幾盒返屋企慢慢玩!(就算冇參加體驗班,各位都可以去門市買㗎!)
食物模型
 
有意粉、有Pizza之外,仲有拉麵同炒飯㗎
食物模型
 
想整甜品一樣有!
食物模型
 
睇哂成篇Blog...係咪心思思想即刻去整呢,不過有少少嘢提返你...呢個食物模型班只有日文班...外國朋友報名的話,一定要有識日文嘅朋友陪同先可以參加㗎...詳細可以睇下面有關食物模型班嘅介紹,唔識日文或者冇識日文朋友陪你去都唔洗灰心住!因為...我搵到另外一間係有英文班,好歡迎遊客參加之外,老師們仲超級友善!想知邊度?點報名?下篇Blog就會話你知㗎喇!
 
報名詳情,元祖食品 Sample 屋一共有兩間分店有體驗班:
 
地址:日本 111-0035 東京都台東區西浅草3-7-6
電話:0120-17-1839  
 
地址:イオンモール幕張新都心 グランドモール2階
電話:043-441-3559
 
對象:小學一年級以上
製作時間:天婦羅60-75分鐘、甜品約120分鐘
價錢:天婦羅2160円、甜品3800円-4800円不等
報名方法:電話報名(提前預約)
*提提你,參加者必須識日文或者有識日文嘅朋友陪同㗎
 
「天婦羅」食物模型班長期都會開,而甜品係特定日子同店鋪先有㗎!想知預約時間可以上官網睇睇!
食物模型班
食物模型班
 
食物模型班
 
食物模型班