可以任點練奶or朱古力醬嘅士多啤梨農園!?

又到左摘士多啤梨嘅季節啦!日本D士多啤梨出左名又大又甜,但超級貴,所以就算好想食都唔係太捨得買!因為唔捨得買,所以就要去摘啦! 而家就要介紹4個摘士多啤梨超正嘅地方,等你地可以邊玩邊食!以下呢D地方都係由東京都心出發搭巴士或者電車約一個鐘就會到,分別喺千葉、埼玉、神奈川縣。
 
1.ドラゴンファーム
 
由JR千葉縣搭千葉monorail大約20分鐘到嘅呢到,所值得推介嘅係有約20品種嘅士多啤梨可以試食比較!好似有「アスカルビー、おいCベリー、おおきみ、かおりの、かなみひめ、さがほのか、もういっこ、レッドパール、まんぷく、アロマ、あかねっ娘、きょうこう」等等,有D係第一次聽嘅品種黎嫁!(對唔住呢D士多啤梨名我真係唔識翻譯)
重點係仲有得任點練奶/朱古力醬!呢個超吸引啊,平時自助餐有得用士多啤梨點醬我都一定會點,呢個仲要係邊摘邊食邊點,太爽啦!
喺5/11、5/14呢兩日,只要加300円仲可以體驗埋整士多啤梨大福添呀!由於大福係千葉縣嘅名物黎,所以就有呢個服務。
 
ドラゴンファーム
營業期間:~5月15日(日)
營業時間:9:00~直到無哂士多啤梨
料金:30分鐘任食放題,4月1日(金)~5月8日(日) 大人1,700円
予約:不用 ※整士多啤梨大福要予約
最近站:千葉monorail千城台北駅歩行約20分
 
2.越谷いちごタウン
 
呢個係關東最大型嘅摘士多啤梨觀光園!佢同大型購物商場「Aeon-lake town」好近,而佢嘅栽培面積有成10000平方米,設施裡面有8大棟巨大栽培House!夠哂霸氣!
每間house種植嘅士多啤梨品種都唔同,可以比你自由咁摘黎食,比較一下。
而且,其中D棟仲係由熱愛士多啤梨集團「士多啤梨同盟」製造嘅「士多啤梨王國」,成個空間都好童話式。喺士多啤梨田裡面,有士多啤梨梳化,士多啤梨花冠等都可以租借得到,絕對岩哂港女們瘋狂影扮野相呃like呀!
 
越谷いちごタウン
營業期間:~6月上旬
營業時間:10:00~15:00(無哂士多啤梨就閉園。由其係星期六,日,紅日會更有可能早關。) ※接待處 9:30~14:30
定休日:星期一(紅日的話就翌日休息)
料金:1時間任食放題,4月8日~閉園 大人1,600円
予約:不能(20人以上就要予約)
最近站:由越谷駅行到増林地區center,搭巴士直到終點下車,歩行5分
 
3.フラワーガーデン イイジマ農園
 
呢個農園適合祟尚健康嘅人士。佢位於神奈川県嘅三浦半島,果到所有農作物都唔用化學肥料,而係用一D天然嘅野去做肥料,好似骨粉咁。用農藥嘅話都係用最低限度,而且都係用一D漢方藥做農藥,對人類定對地球都係比較好嘅。
而士多啤梨有4種,唔靠肥料同農藥,而係最自然咁等佢自己吸收養份生長,咁樣嘅士多啤梨係更濃味嫁!
另外,用2500円就可以摘士多啤梨嘅同時享用埋「自家製野菜BBQ」。又新鮮又colorful嘅野菜會登場,好適合追求健康嘅女性。農園裡面嘅員工仲有外國人,唔單止日本人,令你可以邊玩邊國際交流!
 
フラワーガーデン イイジマ農園
營業期間:~5月上旬
營業時間:10:00~最後接待16:00(無哂士多啤梨就閉園)
定休日:星期一,五(紅日的話會營業)
料金:30分任食放題 4月6日(金)~5月中旬 大人1,300円
予約:不能
最近站:京急三浦海岸駅歩行15分
 
4.すぎやまいちご園
 
呢個位於湘南嘅士多啤梨園,係喺住宅街到,面積係2400平方米。裡面有7種唔同品種嘅士多啤梨。(好靚呀係粉紅色!)
當中最愛注目嘅,係今年到新登場嘅「よつぼし」。佢被認為集齊左甜酸風美味嘅四星級士多啤梨,全國只有30個農園有生產到,非常罕有!到底係咩味呢就真係要試過先知。
如果好早就摘完,你就可以去平塚駅附近嘅茅ヶ崎駅到,慢慢享受一個海邊約會啦!
 
すぎやまいちご園
營業期間:~5月中旬
營業時間:10:00~15:00(無哂士多啤梨就閉園)
料金:30分任食放題 4月8日(金)~5月8日(日) 大人1,200円/5月9日(月)~5月20日(金) 大人700円
予約:可以