【去邊好】準備夜媽媽去睇紅葉(東京近郊篇)

唔係講笑,睇紅葉除咗日光日白去之外,其實夜晚去睇可能仲靚,氣氛仲好好?,因為好多地方都會特登用射燈射住紅葉,而射燈嘅角度同顏色都非常講究,務求將紅葉最靚嘅一面呈現出嚟。
 
日頭同夜晚嘅紅葉個感覺真係好唔一樣,我試過喺全黑嘅環境下count down等著燈,一著燈嗰吓一大片紅葉海就突然出現眼前,真係好夢幻好壯觀,如果大家都想感受呢個magic moment,可以喺出發前check吓官網有冇count down點燈(カウントダウン点灯)儀式。跟住落嚟就等我就話畀大家聽東京有咩地方可以夜媽媽去睇紅葉啦!
 
 
1. 六義園
 
講到睇紅葉又點可以唔提六義園!六義園係充滿江戶時代味道嘅環形庭園,園內有近1,000棵會轉成紅葉嘅樹,加上山景同池景,日頭真係隨便影都影到幅山水畫出嚟。順帶一提,大家可以喺水香江留多少少時間,因為嗰邊嘅紅葉同景相對係再靚啲。
 
 
 
「水香江」
 
六義園
地址:東京都文京区本駒込6丁目
電話:03-3941-2222
時間:日落~21:00
紅葉觀賞期:2016年11月19日(星期六)~12月7日(星期三)
交通:JR駒込站步行7分鐘 (由新宿出發約需15分鐘)
 
===============
2. 月之石紅葉公園
 
月之石紅葉公園係位於埼玉縣長瀞町觀賞紅葉嘅名所,因為紅葉期嘅時候紅葉非常密集,所以吸引到好多人慕名而去,亦因為咁,建議大家唔好揸車去,一來非常塞車,二來好難搵到車位,去到可能揾得車位嚟只可以望兩望就要執野排隊走,好無癮。
 
除咗夜間觀賞紅葉,好果大家有時間建議早啲過嚟,因為呢度好特別,你可以坐住船仔遊走喺山壁之間觀賞紅葉,係個好特別嘅體驗,同埋真係好靚!
 
 
 
 
 
如果時間許可,大家可以早少少去,晏奏可以坐住船仔睇紅茶。
 
佢地有呢種電動車租借,喺日本都算少見,有時間可以租嚟玩吓遊覽吓附近~
 
月の石もみじ公園
地址:埼玉縣秩父郡長瀞1417附近
電話:0494-66-0950
時間:17:00~21:00
紅葉觀賞期:2016年11月12日(星期六)~11月27日(星期日)
交通:秩父鐵道上長瀞站步行5 分鐘 (由新宿出發約需2小時10分鐘)
 
===============
3. 大山寺・大山阿夫利神社下社
 
喺大山寺一帶,紅葉真係紅到一個極點!特別係參道樓梯兩側嘅紅葉,真係好似企哂喺度歡迎你咁,而日頭同夜晚更加係兩種完全唔同嘅氣氛,好靚!不過嚟呢度要注意開放時間係比其他觀賞紅葉嘅地方較短,出發前最好再去官網double confirm吓。
 
 
 
 
大山寺・大山阿夫利神社下社
地址:(大山寺 )神奈川県伊勢原市大山724
           (大山阿夫利神社下社)神奈川県伊勢原市大山12
電話:(大山寺 ) 0463-95-2011
           (大山阿夫利神社下社) 0463-95-2006
時間:(星期五)日落~19:00、(星期六、日及公眾假期)口落~20:00
紅葉觀賞期:2016年11月14日(星期六)~12月6日(星期日)逢星期五、六、日及公眾假期
交通:於小田急小田原線伊勢原站乘坐前往大山纜車巴士於總站下車,再步行約15分鐘於大山纜車站前往大山寺站,下車步行約2分鐘即達。(由新宿出發約需1小時)