【去邊好】免費入場!北海道大型兒童遊樂場!

一家大細去旅行,唔好淨係掛住行街食野睇景同影相,有時都要揾個地方畀小朋友盡情玩吓。
 
呢個位於北海道旭川市嘅「もりもりパーク (Morimori Park)」佔地超過10,000平方呎, 專為小朋友而設,以森林大冒險作為主題,有好多設施畀小朋友擒嚟擒去,最重要係完全免費唔使錢,最啱爸爸媽媽帶埋小朋友一齊去!
 
Morimori Park位於大型購物商場6樓,開朝早10點到夜晚6點半,大人可以行完街再陪小朋友嚟呢度玩返個零兩個鐘,然後喺商場食埋個晚餐先走,時間Good Fit!
 
雖然係免費入場,不過入場前要用會員卡登記,插入會員卡再按確定就可以入場。至於點樣先可以成為會員,喺文末我會再慢慢教大家點樣喺網上註冊。
 
走嘅時侯都一樣,記得插卡登記先好走。
 
因為館內唔可以食野,如果小朋友玩玩吓肚餓,就要喺counter右手邊嘅地方食完再入去玩。
 
切合返森林大冒險嘅主題,館入面嘅遊樂設施都特登設計到成棵樹咁。
 
呢度更加有迷你攀石牆,矮矮哋,就算真係跌落嚟都唔會覺痛。同埋因為佢地大部分嘅設施都係木製嘅,所以即使係冬天去,設施都唔會凍冰冰凍親小朋友。
 
呢個遊樂場佔地咁大,又點會淨係得一兩個設施咁少!好似呢個圓形木架,就啱哂大小小嘅小朋友捐嚟捐去。
 
好多小學生都鐘意玩呢個滾桶,呢啲咁大型嘅玩具蹽其他免費遊樂場真係非常少見!
 
對於3歲以下嘅小朋友嚟講,上面嗰啲遊戲可能刺激咗啲,所以館方特別為0至3歲嘅小朋友整咗個area,入面有啲木馬仔同細件啲嘅玩具。
 
年幼嘅小朋友仲需要著尿片,所以喺呢度亦一定會搵到相關設備。呢度嘅育嬰室環境好寬落乾淨,好多位放野,媽媽們唔怕顧得個B嚟又跌哂其他野。
 
 
 
睇到呢到係咪有啲心動想帶小朋友去玩呢!教埋你地點係官網註冊啦!
 
Step 1:
官網「施設案內」㩒「利用案內」,再㩒下面嘅「予約(無料会員登録)ページへ」。
 
Step 2:
㩒「オンライン予約へ進む」。
 
Step 3:
㩒「登録ページへ」。
 
Step 4:
㩒「はい」。
 
Step 5:
輸入自己email address,然後㩒決定。
 
Step 6:
見到呢個名就即係話你已經註冊成功!
 
Step 7:
跟住你會收到一個咁嘅email,click入去條link度做確認。
 
Step 8:
系統會叫你輸入個人資料。
「保護者名」即係家長個名,可以填哂爸爸同媽媽,可以填英文。
「読み仮名」唔識打日文可以是但copy啲日文上去。
電話號碼要跟返佢嘅格式。
填哂所有野就㩒「次へ進む」。
 
Step 9:
跟住就係填小朋友資料,如果多過一個小朋友可以㩒加下角「お子様の追加」。
填好就㩒「確認へ進む」。
 
㩒完之後佢會show哂家長同小朋友嘅資料,睇過冇問題就可以㩒「決定」。
 
Step 10:
見到呢個畫面即係所有註冊已經完成啦!你會再收到一個email話你知個login id同password,㩒入去佢條link度就可以login預約啦!
 
預約可以揀幾號去、幾點去、玩幾耐,總之認住「次へ進む」、「確認」、「決定」呢啲字眼,揀好時間㩒就得㗎啦。
 
 
もりもりパーク
地址:北海道旭川市 一条通八丁目108番地フィール旭川6階
電話:0166-56-0760
營業時間:10:00~18:30
費用:免費