[原宿雜貨精華遊第三彈]喺正車站對面嘅平價得意雜貨店

歡迎收睇第三集原宿雜貨精華遊~今日Mika要帶大家去一間喺正原宿站對面嘅平價有趣雜貨店muy mucho~
睇個櫥窗係咪日系得嚟有啲歐洲色彩?冇錯啦因為依間muy mucho其實係來自西班牙嘅雜貨店~
 
 
無論係家品、文具、廚房用品定係衫褲鞋襪,muy mucho都可以滿足到你嘅願望!
由於貨品實在太多太多,今次就淨係精選啲人氣商品介紹比大家啦~
 
登登登登~成間原宿店最最最熱賣嘅就係依塊民族風圓形厚毛巾啦~帶去沙灘當沙灘席又得,放喺屋企做地氈又得~得咗~
第二位喺出街拖難~你着過一次就會明白點解咁多人會買!因為佢個底係軟軟的好舒服啊~着住佢行街就冇咁易攰啦~
 
第三位係懶懶咕?~大size真係好鬼大,細size已經夠晒!一禁落去,好滑劣劣軟腍腍!我先唔要比貓訓~依個係我㗎!
 
跟住就睇吓其他人氣商品啦~
 
首先有文具部嘅皇者:剪影書立~有樹啦、人啦、單車等等好多款,一set2件~只能說日本人真係好鍾意睇書啊~
 
跟住第二位係人型鎖匙扣~可以扣晒啲嘢去啲手手腳腳度~不過有冇人同我一樣覺得依個設計好似吊緊頸哈哈~
 
吊頸系列仲有以下依個「攬實你個電話座」~見到佢攬到咁實真係覺得好安心~
 
依啲香水呀唇膏呀咁嘅尿袋真係好受女仔歡迎~可以考慮吓買嚟做禮物喎!
 
不過講到底我最鍾意嘅都唔係啲第一名第二名(冇錯名次依啲嘢於我如浮雲!)
而係依下依堆超可愛嘅食物memo紙!!!!!!!!!!
 
咁得意嘅設計,咁好味嘅meno都係350yen咋,買嚟玩吓都好吖!
 
跟住就到廚房用品部啦~第一位嘅係依個超迷你煎pan/鍋/碟~~有咗佢地,喺屋企都可以食出高級西餐廳嘅感覺!
 
第二位係依個300yen嘅沙律杯~個杯係連埋個叉夾咗喺側邊㗎!唔洗另外再準備餐具,係咪好方便呢~
 
不過我覺得啱啱嗰啲都唔夠依個500yen嘅煲仔得意!根本就係為一個人生活而設嘅獨食恩物!唔洗諗啦即買~
 
仲有爆谷機+爆谷筒(大量款式同size)~
 
韓式綿綿冰刨冰機!
 
最後講吓有咩擺設啦~依啲水晶球小植物真係睇一睇都精神奕奕~~~
 
仲有LOVE愛的小草~~~有冇人想向女神告白啊?可能派得上用場喎!
 
木相架~~
 
同木板自己砌嘅儲物盒!超型!
 
其實舗頭入面仲有好多好多唔同種類嘅雜貨㗎~咁近車站唔係唔去行吓呀嘛~(笑)
有興趣可以上佢個官網到睇吓㗎!