十年前十年後 死亡筆記男女主角大不同！

曾經係一時話題作嘅『死亡筆記』，唔單由漫畫被改篇成動畫，拍埋電影、電視劇、舞台劇，遲啲仲登陸荷里活添。而距離首套電影版推出嘅十年後，全新續作再次登上銀幕，而1年前日本亦推出了劇集版嘅『死亡筆記』。到底呢幾個以真人演出嘅版本中，男女主角又有甚麼嘅差別呢？

 

 

 

 

 

 

2006年電影版嘅夜神月由藤原龍也飾演，佢有法律系大專生嘅背景，有著社會精英嘅自覺，喺自我詮譯嘅正義下借助死亡筆記之力剷除消遙法外嘅人。表面十分和善，但性格十分凶險，以冷靜嘅頭腦同盯上佢嘅L展開唔見血嘅凶險鬥爭。

 

 

而2015年日劇版則由窪田正孝飾演，冇咗未來精英嘅背景，只係一個平凡嘅大學生，就連死亡筆記上用英文寫嘅規則都睇唔明。而且喜歡偶像組合，甘於過著平凡生活。要講佢同初代共通嘅地方，就係同樣有強力嘅正義感，希望透過剷除渣滓令社會變得美好。而隨著佢開始運用死亡筆記，內裡嘅陰險性格亦慢慢浮現。

 

至於2016年電影版嘅設定，則係喺初代嘅10年後，代替夜神月當上「制裁之神」，擁有天才黑客技能嘅紫苑優輝。呢個由菅田將暉飾演嘅角色，由於奇拿嘅力量令殺害佢家人嘅兇手得以被制裁，因此十分崇拜奇拿。喺十年後網絡更趨發達嘅世界中，佢運用超卓嘅黑客手腕，配合死亡筆記執行制裁！

 

不過唔知點解隨住時間嘅推進，各種「夜神月」嘅智商好似愈來愈……咳…咳…

 

 

 

2006年電影版嘅L由松山研一飾演，表面上係一個鍾意食甜品嘅怪人，實質上係一個頭腦超卓，唔會留低任何蛛絲馬跡嘅天才偵探。喺奇拿出現後好快便鎖定阿月係疑兇，並多次令阿月陷入絕境當中。

 

而2015年日劇版就由山崎賢人飾演L，由佢喜愛嘅食物到平常既座姿等小動作都同初代有出入，而且對奇拿感興趣嘅部分亦同初代唔同。

 

而2016年電影版中就同夜神月一樣已經完全換咗做另一個人，不過就依然繼承咗「L」之名，自稱為「龍崎」。由池松壯亮飾嘅「龍崎」同樣擁有天才頭腦，但外表卻有好大出入，冇咗其他版本俾人嘅「家裡蹲」形象。

 

不過唔知點解隨住時間嘅推進，代表「L」嘅人物智商都好似愈來愈……咳…咳…

 

 

 

2006年電影版嘅彌海砂由戶田惠梨香飾演，表面上係一位人氣偶像，不過內心卻存在陰暗嘅複雜面。同阿月同樣得到死亡筆記嘅力量，並對電視報導嘅奇拿本人大感興趣，之後更加模仿佢嘅行兇手法，意圖引佢出動同自己會面。由於阿月制裁咗殺害佢父母嘅人，因此彌海砂對佢十分崇拜，甚至不惜縮短壽命換取能力，俾佢利用。

 

2015年日劇版則由佐野雛子飾演。她唔單止同樣係偶像，而且正正係阿月所迷上嘅組合嘅隊長。大難不死後得到死亡筆記，並以壽命減半代價嘅死神之眼能力知道阿月係奇拿，為咗得到信任而開始模仿佢嘅手法殺人…同樣知識平水有限，連「疑神疑鬼」都唔明白係咩意思。

 

2016年電影版『死亡筆記：照亮新世紀』嘅彌海砂同樣由戶田惠梨香飾演，設定上同2006年版為同一人，因此佢係三名主角中，唯一貫穿兩代劇情嘅人。自前作放棄死亡筆記而失憶，相隔10年後，6本死亡筆記再次重現人間，當時阿月同L嘅戰鬥再次於腦中被喚醒，並影響著兩名繼承者今後嘅行動…

　

 

 

 

Margaret Qualley 飾演 彌海砂

 

 

Willem Dafoe 飾演 流克