【動畫介紹】六個「人渣大雄」的故事—《阿松》

唔知各位讀者平時有無睇動畫既習慣呢?筆者自己就每季都會揀定幾套新番黎追,但就算大家唔似筆者咁個個星期追動畫,都總會睇過一啲熱門既作品例如《多啦A夢》同《銀魂》既。大家試想下將銀魂無厘頭既劇情套入大雄呢個角色度會發生咩事?想像唔到?唔緊要!實際上去年秋季播放既新番《阿松》正正就係一套咁既作品!係正式介紹《阿松》之前,大家不妨睇下一年一度既動畫大獎東京動畫獎(TAAF 2016)個人賞既得獎名單先…
 
個人賞:
監督賞:藤田陽一(阿松、銀魂)
腳本、原創原作賞:松原秀(阿松、銀魂)
動畫師賞:久保田誓(一拳超人總作畫監督)
角色、機械設計賞:淺野直之(阿松角色設計)

 

無錯,係個人賞方面簡直就係阿松既天下…但最細心啲睇既話,就會發現阿松既監督同劇本都係同銀魂一樣架!有留意銀魂既讀者可能會嘆息自從進入左長篇之後就已經好少出現昔日既日常…但銀魂既無厘頭式搞笑似乎就係阿松呢一部作品到有過之而無不及的延續落去!
 
 
阿松到底係一套點樣既作品?阿松原本為赤冢不二夫既代表作,而今次阿松再次係電視螢幕上就係為了紀念赤冢大師,呢位「阿松父親」既80週年誕辰。如果大家認為佢只不過係一套昭和年間既作品既續篇/一套普通改編動畫的話,可能會好奇事到如今再將佢放上現時螢幕上有咩吸引之處。不過筆者認為阿松比起改編動畫,更似一套原創作品!無論係人設上抑或係劇情上作出左相當明顯既改動。
 
昭和44年的「小松」
1988年的大雄阿松
秋番《おそ松さん》
 
主角們既年齡就已經係一個相當大既觸目點,眼利既觀眾可以一早已經留意到作品標題由おそ松くん變為おそ松さん,而さん係用於對成年人既專稱…無錯!是次故事背景就係發生係原版阿松二十年之後既生活,雖然六位似乎都長著一乎大雄既面孔,但而呢六兄弟二十年之後既性格就變得非常分明有辨別性,但當中六位既性格都有一共同點—就係全部都係人渣!!無錯!!係人渣!!按照作品入面既講法就係六位處男垃圾廢青…換言之你睇緊既係二年後的人渣大雄
 

 

本作品將六位角色既人物性格都塑造得非常出色有個性,基本上大部分故事發展就係由當中人物性格所推動。但如果大家認為故事內容好快會睇厭就大錯特錯,天真既筆者都曾經有相同既諗法,但廿五集完結之後筆者表示依然好想睇落去!二十五集話長唔長話短又唔短,但故事內容集集都出奇不意,你永遠無可能估到下一集既發展到底會係點
 
因為當你每次打開新一集既時侯,可能會係咁…
 
又可能會係咁…
 
又或者...

 

作品其中既大賣點就係夠搞笑,好多人會將阿松同銀魂作對比,作為兩者既fans我非常認同…
 
你想睇惡搞
銀魂有既...
阿松都有!
 
你想睇顏藝
 
你想睇無下限既黃色笑話
咁先比你《阿松》其中一段…(這是誰的小XX)
長大後的六兄弟在各方面也有相當的成長…
不解釋…
 
而另一個賣點就係佢時不時會出現一啲「耐人尋味」既故事發展,亦都會無啦啦有感人既劇情既出現殺你一個措手不及,可能有睇過未聞花名同四月是你的謊言既讀者都會認同呢兩套作品好催淚,但筆者係阿松既其中一集—「十四松戀愛」當中所流出既眼淚可能仲多!
 

 

而阿松開播後,結果亦都係大受觀眾歡迎,大家不妨睇下秋季動畫首卷既銷量先~講起秋季動畫,就一定會諗起《一拳超人》啦,一套無論係日本以至到西方國家以及香港都掀起一陣熱潮,當中一拳既銷量有11188,而阿松更加係遙遙領先其他作品,憑住第一卷銷量79108成為第一位!!當時唔單止突破左過去化物語同魔法少女小圓既記錄,現時更錄得首卷銷量突破十萬既佳績…可能有唔少人會將呢堆數學歸因於女性既消費力又或者聲優既因素,當然銷量呢回事可以汲及種種因素,但阿松呢部作品既質素筆者可以保證,可以話比大家知睇完過後你就會發現佢既吸引之處!
 

回覆

松野的圖片
說是大雄也太過分了,
阿松原作漫畫1962年,
比大雄早,
阿松和大雄都是昭和年代的,
這是昭和畫風,
在阿松刷大雄就像在LL刷偶像大師一樣沒禮貌