【初心者東京自遊行秘笈】LikeJapan4日3夜建議行程(DAY 2)

【初心者東京自遊行秘笈】LikeJapan4日3夜建議行程(DAY 2)
想睇返第1日行程的話,可以去呢度
 
第2日嘅推介行程當然係遊東京必去嘅以迪士尼樂園! 不過有啲團友可能對機動遊戲嘅興趣不大,而純粹想入去行個圈感,睇下巡遊感受氣氛嘅,咁就可以考慮日頭去台場,夜晚去迪士尼嘅組合。
 
Plan A~全日喪玩迪士尼樂園!~
品川︎東京廸士尼樂園︎品川(回程)
 
前往廸士尼樂園,可以跟循以下路線 (310日圚/車程約26分鐘):
1 於JR品川站乘坐東海道本線/山手線/京濱東北線(東京方向)前往東京站
2 於東京站轉往京葉線月台乘坐紅色京葉線火車,於舞濱站(舞浜駅)落車,出南口,左邊就會見到廸士尼售票處。
接駁廸士尼樂園、廸士尼海洋世界之交通
舞濱站右邊就有前往樂園嘅轉車站「渡假區總站」(リゾートゲートウェイ・ステーション駅)
,可乘坐東京廸士尼渡假區循環線(ディズニーリゾートライン)前往東京廸士尼樂園(東京ディズニーランド・ステーション駅)海濱站(ベイサイド・ステーション駅)東京迪士尼海洋站(東京ディズニーシー・ステーション駅)
 
往迪士尼GOGOGO!
廣告有話「嚟迪士尼要做足準備。」做功課真係好緊要! 咁究竟有咩功課要做,最起碼都要知人流同天氣!
唔係去到先發覺原來連場都入唔到就掃興啦。
 
迪士尼個個遊戲閒閒地要排成1、2個鐘,撞正人多就要更耐啦。下面嘅網址,可以供遊客查詢樂園每日嘅狀況。
人流數量雖然只係預測,但仍然有一定參考價值。
 
 
留意! 圖中藍圈內數字嘅底色代表當日預測人流,如果顏色顯示過咗安全線,最好都係考慮調整行程。如果有其他疑問,歡迎即到本網伸手區查詢。
 
入場費如下
 

至於入面有咩玩可以参考迪士尼官網http://www.tokyodisneyresort.jp/tc/,而以下係迪士尼海洋世界必玩嘅項目。

 
1.TOYSTORY瘋狂遊戲屋
 
2.驚魂古塔
 
3.忿怒雙神
 
4.印第安納瓊斯冒險旅程:水晶骷髏頭魔宮
 
5.海底兩萬哩
 
6.地心探險之旅
園內好多地方都有爆谷、雞腿等小食賣,想省時間都可以買小食一邊排一邊食。如果嚟過迪士尼好多次,純碎想入黎感受下氣氛、又想食好d,飲食方面,不妨去呢間「處女航記念日自助餐館」(セイリングデイ・ブッフェ),自助餐毎人都係3090円,不過記得要提早訂位。
 
處女航記念日自助餐館
 
而迪士尼樂園必玩項目個人推介以下幾個。
1.加勒比海盜
 
2.星際旅行:冒險續航
 
3.怪獸公司「迷藏巡遊車」
 
迪士尼樂園最抵食係水晶宮餐廳,自助餐毎人都係3090円,同樣都係要早少少訂位。
 
Plan B  品川︎台場︎東京迪士尼︎品川
 
如果唔係迪士尼大fans,純碎想入去感受氣氛又唔想浪費一整日,不如早上先去逛台場,跟住入去迪士尼玩夜場,票價仲會平大概3000円!我地編輯部既同事試過6點先入場玩,只要鎖定想玩咩機動遊戲、絕對夠玩!(當然唔可以貪心啦XD)
 
【交通】由品川前往台場方法:
1.巴士 (200圓/車程約20分鐘)
於12號巴士站乘坐「お台場循環  品川駅東口」巴士於「富士電視台(フジテレビ前・アクアシティお台場前)」下車,穿過品川站前往港南口出口,出口外右邊最盡有條小樓梯,落左樓梯會見到12號巴士站,站名係「品川駅港南口(東口)」。
12號巴士站品川駅港南口(東口)
班次可參考以下品川台場巴士時間表,留意返車上只接受硬幣。
 
2. JR列車 (480日圓/車程約20分鐘)
於品川站乘坐JR山手線京濱東北線(東京方向)往新橋站轉乘東京臨海新交通臨海線百合海鷗號 (ゆりかもめ東京臨海新交通臨海線)往台場(台場駅)。
 
由台場前往東京迪士尼樂園方法:
於東京臨海高速鐵道臨海線東京電訊站(東京臨海高速鉄道りんかい線東京テレポート駅,於Diver City後面)
 
乘坐臨海線(新木場方向)火車前往新木場,
轉乘JR紅色京葉線火車(蘇我方向)、前往舞濱站(舞浜駅)(約430日圓/車程約20分鐘)
 
回程可於舞濱站(舞浜駅)乘坐任何一班JR前往東京,於東京站轉乘山手線京濱東北線東海道本線(品川方向)前往品川站 (310日圓/車程約21分鐘)
 
【行程內容】
台場一帶有好多野行,如果要認真行可能一日都未必行得哂!第一次去的話推介去富士電視台、Diver City Tokyo、MEGA WEB呢3大地方。
富士電視台外面係售票亭,一樓行入去有商店,要上展望台同行電視台內部記要先於售票亭購買門票,票價550日圓,詳情可以上富士電視台官網睇睇。
 
而喺富士電視台後面,有個叫Diver City Tokyo嘅購物中心,最出名就係棟正喺門日嘅超大型高達同商場入面過百間唔同類型嘅店舖。時裝、生活雜貨、餐廳都可以喺入面揾到,去之前可以上Diver City Tokyo官網睇定有冇啲咩品牌係自己必行嘅!
 
以下呢幾間大家應該都有聽過,係港人點都會行一行嘅知名店舖。
4F 100円店「The Daiso」
 
2F 買藥妝必行嘅「松本清」
 
2F 有得食即炸薯條同薯片嘅「Calbee PLUS」
 
4F 有得買地區限定Hello Kitty產品嘅「Hello Japan」
 
DIVER CITY 旁邊會見到一個17.8m高嘅「RG 1/1 RX-78-2高達Ver.GFT」,那裡就是以動畫作品「高達」為主題嘅展覽遊樂設施「Gundam Front Tokyo」。
 
 
免費區有複製自秋葉原嘅GUNDAM Café同有大量台場限定商品嘅紀念品區
收費區包括「展示區」及「體驗區」等,其中包括有展出來自機動戰士高達SEED DESTINY嘅「RG 1/1 ZGMF-X20A突擊自由高達」1:1尺寸胸像、1:1比例「核心戰機」等。
 
入場方面有二個留意事項。
第一,門票係可以預先一個月在7-11便利的購票系統「SEVEN TICKET」╱TICKET PIA網上購票購入,當然門票可以即場購買,不過園方係有進場人數限制,而且係預購優先,另外預購亦有折扣優惠。
第二,星期六、日及公眾假期園區係會將參觀時間分成三段,購票時係要指定時段,買飛後就不能更改時間。
 
 
 
行完Diver City唔好以為台場已經行完,喺Diver City左邊仲有一個好大嘅摩天輪、維納斯城堡 VenusFort 同MEGA WEB 豐田汽車主題公園,入面都有唔少野行同玩。
 
VenusFort 購物中心共有3層,進駐咗日本國内外約50家品牌商店。1樓「Venus FAMILY」有售兒童、寵物、家居用品等日常用品;2樓 「Venus GRAND」以時尚潮流為主題,主打化妝品、珠寶首飾等等;3樓 「Venus OUTLET」就以流行服飾、家居用品爲中心。
 
購物中心旁邊嘅MEGA WEB豐田汽車主題公園較適合男士,女士可以專心血拚。
 
MEGA WEB 展示咗好多Toyota嘅科技, 仲放左唔小老爺車。最正係可以喺全長1.3公里嘅試圏上面試揸新車、車長之前同朋友就試過係度揸86玩低速甩尾!
 
 
亦有兒童向嘅小型電池車,連小朋友都可以享受揸車嘅樂趣!
 
想知道MEGA WEB 入面仲有咩玩,可以去MEGA WEB 官網http://www.megaweb.gr.jp/about/zhengtizi.html睇吓~