冇咗佢唔得,但唔係人人坐得嘅超人氣新幹線特別列車

新幹線係咩相信唔洗解釋大家都知。
不過除咗以營運緊嘅新幹線列車外,家下至少有3列車新幹線列車係比較特別,
冇咗佢唔得,但普通乘客又唔坐得嘅新幹線列車!
就係新幹線電氣軌道綜合試驗車,花名Doctor Yellow。
 
新幹線電氣軌道綜合試驗車,顧名思義就係用來檢查軌道及電氣設備嘅特別車輌。
不過唔單只檢查住電力同軌道,仲有好多野可以檢查同分析數據,包括信號同通信等等。
 
雖然話Doctor Yellow 行走時間冇公開,
不過東京至博多這段1174公里來回檢查,最快都要3日先檢。
檢查車程都大約固定咗,
好似第1日:東京 → 廣島。第2日:廣島 → 博多 → 廣島。第3日:廣島 → 東京
或者第1日:東京 → 新大阪。第2日:新大阪 → 博多。第3日:博多 → 新大阪。第4日:新大阪 → 東京
 
網友就會預測得到Doctor Yellow幾時會出現,甚至喺討論區度通知大家幾時出現過。
大家要捕捉就冇以前咁難~甚至好多爸爸媽媽帶仔女去野外捕捉Doctor Yellow。
 
電氣軌道綜合試驗車嘅顔色係黄色警介色,係日本黎講代表幸運。
話説見到Doctor Yellow會有好事,所以都係超人氣嘅新幹線之一。
 
由於成日上電視,喺日本嘅成長小朋友都會知係個架Doctor Yellow。
 
除咗模型外,
 
仲有JR東海道同San-X合作,
出咗鬆弛熊Crossover Doctor Yellow。
 
有公仔!(呢隻係特大限定版)
 
仲有個搖控座
 
點解要試驗車?單係東海道新幹線已經長達515公里,全人手慢慢檢查的話,要幾多人手呢?仲要係只可以喺深夜冇車列車營運緊先可以用人手檢查,基本上係Mission Impossible。
 
而東海道新幹線作為世界上第一條高速鐵路,使用嘅新科技非常多都未試過,要係實用化之前利用實驗線先測試,所以就先起咗東海道新幹線實驗線,而高速鐵路用嘅軌道要有好高嘅質素同要非常之耐用,所以需要長時間檢查軌道。第一代新幹線電氣軌道綜合試驗車嘅前身,形號為4000形嘅4001號軌道試驗車就係因為要長時間檢查軌道而喺1962年誕生。
 
 
當時因為新幹線嘅試驗冇人可以保証一定成功,可以投入嘅資金亦非常緊張。結果東海道新幹線試驗線上只可以用舊辦法進行檢查軌道。所以軌道檢查車4001號只係以在來線嘅軌道試驗車為基本,再由東急車輛將舊有客車改裝。噴上黄色警介色,就係近似家下Doctor Yellow。軌道檢查車4001號可以自己以低速行走,但係要進行軌道試驗的話就要畀新幹線嘅試驗車1000形拖住進行軌道試驗。
 
 
隨住東海道新幹線試驗線成功,東海道新幹線亦開始進入全面施工,國鐵需要一架可以檢查信號同電力嘅試驗車,所以國鐵決定將試驗線嘅試驗車1000形B編成,改為電氣綜合試驗車922形T1編成,同樣噴上4001號嘅黄色警介色。因為電氣綜合試驗車好似醫生咁檢查住電力,所以大家都叫電氣綜合試驗車為Doctor Yellow。
 
而東海道新幹線通車前發現只可以被拖住黎檢查軌道嘅試驗車4001號嘅能力並唔足以毎晩檢查全段東海道新幹線,所以檢查軌道嘅試驗車就加多咗一架,原本拖住4001號嘅試驗車1000形A及B編成,分別改為救援車同電氣綜合試驗車,
所以4001號及新制嘅4002號就只能喺深夜被新制嘅911形柴油機車拖住黎檢查路軌,同時改名為に921形軌道試驗車。
 
喺山陽新幹線全線通車前2年,由新幹線試驗車改造嘅電氣綜合試驗車922形同921形軌道試驗車已經行駛咗13年,出現嚴重老化,而當山陽新幹線全線通車後,舊有嘅電氣,信號及軌道檢查放法並唔足以全面檢查及處理東京博多間全長1174公里嘅線路,所以國鐵決定制作一列全新嘅試驗車,列車功能包含咗檢查電氣,信號軌道3個主要功能,仲要有極大嘅分析能力,所以新一代嘅電氣軌道綜合試驗車922形T2編成就喺1974年誕生。
 
家下最新嘅Doctor Yellow,原形車輛為700系。
 
 
同樣地東日本以前都有Dcotor Yellow,不過家下換咗新車,叫做East-i。
 
顔色都唔再係黄色,連JR東日本都特登改個名叫East-I。
原形車輛為E3系。
 
由於East-i會行走好多條路線(東北、上越、北陸、山形、秋田同北海道新幹線),所以行車車程比Doctor Yellow難預計得多。
要野外捕捉完全只能靠East-I 討論區上面資料。
 
講人氣East-I完全同Doctor Yellow無得比。
所以同East-I有關係嘅產品真係好少。
 
大家去日本時都可以試下野外捕捉~就知Doctor Yellow有幾高人氣!
Tags: