余市之後:放眼日本威士忌市場

日本威士忌突然掀起搶購潮,搞到「余市」同「宮城峽」因為原酒量不足而要停產… 其實何必呢~ 想飲日本威士忌其實仲有好多選擇。
 
japan whisky map
相比起外國,日本威士忌嘅歷史唔算長。整個日本依家只係得返8間蒸餾所(星號)仲出產緊威士忌,而圓點嘅蒸餾所已經關閉。

首先,我地要搞清楚依家主導市場嘅兩大集團,SUNTORY同NIKKA之間嘅淵源。
 
SUNTORY集團:山崎蒸溜所、白州蒸溜所
山崎蒸溜所係日本史上第一間威士忌蒸溜所,由鳥井信治郎同有日本威士忌之父之稱嘅竹鶴政孝合辦,生產左日本第一支威士忌。但後來兩位係製作威士忌口味上嘅諗法出現左分歧,於是竹鶴政孝就離開左。而鳥井信治郎就繼續以製作適合日本人口味嘅威士忌為本,開左白州蒸溜所。
威士忌品牌:山崎 / 白州 / 響 / 角瓶
suntory whisky
 
NIKKA集團:余市蒸溜所、宮城峽蒸溜所
竹鶴政孝離開SUNTORY後,就先後創辦左以上兩間蒸溜所。以傳承蘇格蘭威士忌嘅傳統手藝為本,會有濃郁嘅煙薰味同泥煤味。
威士忌品牌:余市 / 宮城峽 / 竹鶴
nikka whisky
 
相信大家未飲過都有見或者聽過以上嘅威士忌品牌後。而搞到斷市嘅「余市」同「宮城峽」其實係以傳統蘇格蘭威士忌嘅口味製成。如果大家真係想試下「日本味」嘅威士忌,其實可以唔洗向佢地下手。
 
KIRIN:富士禦殿場蒸溜所
同樣係出名嘅飲品生產商麒麟公司就係富士山下開左自己嘅蒸溜所。採用當地嘅天然水,同埋會自製酒桶。
威士忌品牌:富士山麓
富士山麓
 
本坊酒造:信州蒸溜所
蒸溜所位置係日本目前海拔最高。佢地之前出產嘅威士忌其實大部份都已經停產,所以同樣具收藏價值。
威士忌品牌:駒ケ岳 / Mars / 岩井 / 越百
信州蒸溜所

江井ヶ嶋蒸溜所
放棄蘇格蘭傳統風格,改良日本燒酌嘅蒸餾方法製成口味獨特嘅威士忌。
威士忌品牌:White Oak
white oak
 
秩父蒸餾所
係日本年紀最細嘅蒸餾所,創辦人嘅爺爺其實就係已經無左嘅羽生蒸餾所嘅創辦人。
威士忌品牌:秩父
秩父
 
已經關閉嘅蒸餾所小編就唔再多花篇幅啦,總之你仲見到佢地嘅威士忌就真係應該收藏。當然,造酒嘅材料、過程、年份等等,有太多野可以影響出產嘅品質。小編認為飲酒最緊要都係岩自己口味,與其盲目追捧,不如試多幾隻先啦~