最近日航加AEON PETS搞咗個同機同艙嘅狗狗旅行團。
其實喺年中ANA都已經搞咗一次,仲非常之成功!去北海道添呀~
有狗狗嘅機票!
 
班機叫做ワンワンフライト WonWon Flight!
 
個個狗狗位置都有名同歡迎個牌㗎!
呢隻狗狗好似好得戚喎!
真係羨慕死人同狗狗。
 
由於香港政府同部分香港人對於寵物嘅觀念同政策仍然非常落後。以前帶貓狗去日本旅行真係隨時重煩過主人自己去南極。
 
不過隨住寵物旅行開始被視為一個商機,帶狗狗去旅行開始愈來愈普通。甚至有旅行社同寵物移民公司更有代辦手續、甚至包埋食宿行程,實行提供一條龍服務。不過價錢都重係「萬、萬聲」。不過狗狗頂盡都係廿幾年命,狗一世物一世,時間過得好快㗎。
 
暫時香港去日本嘅航空公司唔容許客人攜寵物入客艙,寵物會放在牲口艙,艙內就有恆溫和濕度調節。
但回程要由於要以進口貨品返香港,航空公司通常都直接交咗畀畀貨運公司處理。
 
所以一直煩緊!
 
程序有小小煩覆~最好就Mark低喺日誌~
最好睇睇
向日本輸入狗同猫嘅指南中文 
Guide to importing dogs and cats into JapanEnglish
 

210日前
狗狗須要植晶片,未植就要補回。日本個邊要求有注射兩支瘋狗症防疫針紀錄。從未打針便要補打,可能需更早準備(最好240日前)。已打第一針的話,可於這階段打第二針。
 

180日前
打第二針一個月後可到獸醫處抽血,檢驗抗體濃度。約四星期有報告,連同狗牌向日本農林省遞交寵物入境申請。

90日前
預訂狗狗來回程機票。訂票時提供狗隻種類、飛機籠尺寸和重量便可預留牲口艙。去日本個程會跟返IATA收費,8KG以下約HKD1400,回程香港政府規定動物必須以貨運形式進口。貨運收費約$4200-$7,000,想平的話要問問日本嘅貨運公司。仲意要留意飛機籠有一定規則同限制。詳細要問返航空公司。

40日前
向漁護署申請進口特別許可證。( 表 格 編 號 : AF240 )
每隻$432,其後每隻收$120。許可證有效期6個月。

7日前
去獸醫處度做出發前健康檢查,包括杜蟲、滴蝨水,並一定要填好健康證明書,連同日本出境許可書到漁護署加簽,費用$155。再連同日本入境和出境許可書電郵畀農林省。最後致電漁護署通知狗狗出境和入境時間,就可以出發。

出發日
帶同所有文件 check in,職員會獨立安排狗狗登機,放喺恆溫牲口艙。抵達之後到動物檢驗所辦好入境手續便可取回狗狗。

回程日
要提早八小時帶狗狗到機場。在動物檢驗所辦好出境手續,再到貨運公司辦清關。狗狗要留喺貨倉,起飛前兩小時可以返倉添糧水。到港後主人辦好入境手續,再往貨站提取狗狗並在站內漁護署辦事處辦狗狗入境手續。 
 
日本國内線
 
要坐日本國内線的話,ANA同JAL都有提供寵物運送服務。
飛機籠有一定規則同限制。詳細要問返航空公司。
不過坐機前都要簽同意書、
全日空同意書(IBEX, Air do, Star Flyer同Sola Seed Air都可以用呢張)
ANA仲有APPS可以整本Pet Passport畀寵物
詳細可以入下面網址(只支援日文)
https://www.ana.co.jp/serviceinfo/domestic/support/pets/passport.html
 
之後就可以幫寵物Book運送服務。
喺自己個機位預約度加返寵物運送服務。ANAJAL放法都有不同,再好打去Hotline問問。
再30分鐘前到機場Check-in同支付寵物運費。(約4000-6000円一程)
落機之後就有職員送你嘅寵物去行李帶附近畀返寵物你。
 
坐JR
 
日本JR6社係可以有條件地容許你帶寵物坐車,
一定要用籠,途中唔可能以出籠,而籠3邊加埋唔可以超過90CM。
仲要去買張(普通手回り品きっぷ)280円。
之後就上得車。