【人類總要】福島居民今早避難犯嚴重錯誤 惹起激烈討論

11月22日朝早福島外海發生一場7.3級地震,令到大家聯想起5年前311東日本大地震。
但係人類總要重覆犯錯,唔通大家已經忘記咗311嘅教訓?
 
Twitter用戸@tomokichi1518貼咗2張相
 
呢2張相係22日朝早地震後影嘅相,當時福島縣發報咗可能會受到高達3米嘅海嘯襲撃。
電視亦都發報咗叫人即刻逃走去安全地方嘅警告!
下圖(すぐ にげて)係立即逃走嘅意思!
 
但係又出現好多人揸車去避難嘅情況,搞到大塞車,311大地震嘅教訓去咗邊?
(張相嘅擁有人話: 已經唔係"大鑊"可以去形容!)大家留心睇吓上面2張相,條車龍都見唔到有龍尾⋯
好多Twitter用戸都貼咗唔少呢啲相⋯證明揸車去避難嘅情況係有幾嚴重⋯
呢啲相就係當地居民用自己車揸車去避難嘅結果。
5年前311大地震果陣,就係因為有唔少人用自己車揸車去避難,最終搞到大塞車。
正正就喺塞緊車果陣海嘯就襲撃塞車車群,引致死傷慘重。
好多人睇咗相後都問(311大地震嘅教訓去咗邊?)
福島防災部門指(基本上,避難嘅原則就喺徒步走。其實喺住宅地區附近一定有避難場所俾大家喺海嘯嚟果陣安全避難。個啲避難場所就算拖住老弱傷殘都可以慢慢咁安全到達)
 
而今次到達福島縣嘅海嘯最大只有90CM,就算有3米高嘅海嘯,家吓防浪堤壩都可以擋到~所以冇必要驚慌!依指示去避難就可以。
同埋東日本大地震果陣國道6號線都起到防浪堤壩嘅作用,拖延到唔少時間,仲有上次大地震後,基本防海嘯嘅設施都改良咗唔少,包括設有防災緩衝地帶,可以拖延到海嘯嚟到嘅時間。
相反揸車去避難唔單只會引致大塞車,當海嘯襲撃塞車車群時水高過一米就會令車門打唔開,更容易被困,所以地震後有海嘯警告的話,千祈唔好揸車去避難呀。
依指示去避難就可以。