人氣雜誌《ViVi》發表2016年國寶級美男排行榜

相信唔少中意日系時尚嘅女性讀者都有睇開ViVi。呢本喺日本都非常人氣嘅時裝雜誌今期(2017年1月號)就公佈咗2016年日本國寶級美男排行榜嘅上榜名單!
 
由1萬5千個讀者投票選出嚟,請佢哋選出及排名心目中1-5位嘅美男子,排第一嘅分別得5分、第二得4分,如此類推,累計點數成就咗呢個排行榜。一齊睇下呢個當今日本時尚女性們選出嚟嘅美男ranking到底邊個排第一啦!
 
10)三浦翔平(28)
9)野村周平(23)
8)岩田剛典(27)
7)坂口健太郎(25)
6)真剣佑(20)
5)山下智久(31)
4)三代目 J Soul Brothers 登坂広臣(29)
3)窪田正孝(28)
2)菅田將暉(23)
1)中川大志(18)
 
榮登榜首嘅係(同福士蒼汰好似樣嘅)中川大志!可能香港嘅朋友對佢未係好熟悉,佢嘅成名作係喺《家政婦三田》入面飾演長子阿須田翔。嚟緊都有電影《今天的吉良同學》同埋《ReLife》會上映,兩套都係動漫作品改編,睇嚟呢位18歲嘅少年都有機會成為第二個山崎賢人(你懂的)。
 
第二位就係今年有9套電影作品上映嘅超強演員菅田將暉。除咗電影佢仲一路接拍日劇,仲經常出現於廣告、綜藝節目等,總之2016年度佢嘅存在感真係No.1!
 
排第三嘅同樣係演員出身嘅窪田正孝。經過日劇版《Death Note》同最近拍嘅日劇「LAST COP」,佢嘅狂派演技已經深入民心,但上綜藝節目時又露出超可愛超萌嘅一面,令女粉絲人數激增!
 
以上又有冇大家嘅男神BB呢?令人感覺驚訝嘅係老是常出現嘅上屆冠軍山崎賢人、同埋擁有好多女性粉絲嘅福士蒼汰竟然無上榜呢!唔通咁快已經世代交替?!
 
資料來源:Vivi