五件單品 打造日系家居

小編曾經寄宿係日本人屋企,覺得以下依5樣野真係好有代表性:

玄關
jp door
睇卡通片同日劇成日都會聽到啲太太送老公或者小朋友返工返學時會企係玄關上面,講句「熱嗲啦沙依~」送佢地出門。

免治馬桶
jp toilet
去過日本一定會見過依種識唱歌,仲可以洗PAT PAT嘅馬桶啦。到左冬天仲可以整暖個坐板,真係好窩心~

浴缸
jp bath
日日浸浴好唔環保?但你試過一次就真係知咩叫疲勞全消!而且日本人係會一家人用同一缸水,所以一定要揀依種有保暖蓋嘅,同埋每個人都要沖乾淨涼先入去浸呀。浸浴係父母同小朋友相處嘅好時光,就好似小丸子同爸爸一齊唱住歌沖涼咁。

被爐
jp table

佢簡直係萬惡嘅根源!入咗去完全唔想出返黎。依家香港冬天都可以好凍,有左佢就暖粒粒啦。成日手腳冰冷嘅朋友一定要入手!

暖簾
jp cloth
如果覺得以上嘅野都好難即時擁有,小小一塊布應該得啦掛~ 佢可以用係唔同地方,裝飾又得,遮陽又得,想分隔私人空間亦得,得咗!

搬屋或裝修屋企嘅時候,不妨考慮下將以上嘅野加入設計之中啦!