【九州】4個必去感動絕景!

九州必去・4個感動絕景!
 
唔好去黎去去都係東京啦,去下其他地方,欣賞下大城市以外嘅美麗丫嘛!今次就講九州,果到有幾個日本人嚴選出黎,靚到令人會好感動嘅景點!係邊到?即刻睇啦!
 
1.稲佐山的夜景 (長崎県)
 
稲佐山嘅夜景係日本三大夜景之一。由稲佐山望落去,當你上緊山果陣突然睇到咁壯大嘅景色嘅話,係會靚到聲都出唔到。日本夜景最吸引嘅係,唔會好似香港夜景咁,一望過去就全部都係廣告牌,而係真係街道上嘅街燈,同家家戶戶嘅燈光,望落感覺好舒服!
「我從橋的一方邊看著太陽落山,邊等待看夜景。當我看到長崎街道上嘅閃爍燈光時,就?間感動了。」
要上稲佐山嘅話可以搭纜車,但其實有個可以睇到稲佐山景色嘅溫泉。果到係有免費shuttle bus可以去到嘅,所以強烈推介啊!
 
2.光の道 (福岡県)
 
呢條光の道係因為嵐嘅CM而一夜成名,而佢而家就變左一大觀光點了。一到左日落嘅時間,無論係小朋友定係老人家,當地嘅人都會好自然咁為左欣賞光の道而聚埋一齊,順便休息下。
可以望到光の道嘅地方,正式名稱係「福岡宮地嶽神社 」。福岡嘅呢個「宮地嶽神社」,係全日本都有鎮坐嘅宮地嶽神社嘅總本宮黎。
 
睇下嵐嘅CM啦!
 
3.阿蘇草千里 (熊本県)
 
講起九州觀光,熊本觀光嘅話,一定離唔開阿蘇草千里。喺呢個地方你可以感受到地球嘅雄偉同神秘,果種震憾性嘅美麗一定治癒到你心靈!(我覺得呢個名好得意,好似果D大草原嘅感覺哈哈。)
如果你係鍾意大自然,又係外向派嘅話,一定一定要去一次呀!有埋馬嘅感覺更加似神話!
到左夜晚,又會變左另一種美麗。星星會映照喺湖水上面,即時有種仙境嘅味道出左黎。
 
4.高千穂峡 (宮崎県)
 
最後一個最誇張。點解?因為佢已經唔可以用靚黎形容咁簡單,而係有一種被神聖氣氛包圍住嘅地方。大自然嘅美就停留左喺呢到,去到你可以用五官去慢慢感受呢種大自然最原本嘅壯麗。
而且佢仲係一個Power Spot,有好幾個神話故事都係喺到產生嫁。
你都可以同時賞到瀑布嘅美麗。如果喺初夏左右嘅好天日子去,更加可以乘搭小船,感受清澈又舒適嘅河啦!