[不敗日記]Disney迷敗家必去!

之前有講到Hello Kitty迷敗家地方,今次就同大家講下Disney迷可以去邊敗家啦!
 
講真,我地唔係十八廿二,真係未必仲咁有童真去東京迪士尼到玩~
再加上,難得去日本,寧願d時間拎去濕平食野好過啦!
無理由哂時間去排隊玩咖啡杯或者旋轉木馬㗎嘛~
但係呢,又想去買迪士尼嘅精品,咁點算好?
千其唔好咁傻豬豬專登走入去東京迪士尼就係為咗買野呀!!!
其實係好多地方都開咗門市賣Disney野,方便大家去掃貨!!!
 
我就去咗澀谷嘅分店~
 
 
呢間分店總共有三層高!真係要好好腳骨力先得!!
一入去地下個層呢~就賣最新同最受歡迎嘅公仔、衫、精品~
 
 
 
除咗Duffy之外,其實仲有呢個UniBEARsity!!!
同Duffy一樣,有大、中、細碼,亦可以買衫仔嚟幫熊仔換衫!!!
我見到有女仔掛咗幾隻細既係書包到~真係不得了!!!
我超糾結唔知買邊隻好~超想全部買哂!(敗家mode~~)
 
 
細公仔呢d唔洗1000yen就有交易,買嚟做手信都唔錯!
因為有唔少都係東京迪士尼限定,香港迪士尼係買唔到㗎!
 
咁上到二樓呢,就會係比較多女性向夢幻系列嘅服飾~
 
 
有粉紅色蘿莉系列嘅Marie野,要留意!
服裝,只係店員襯好一套出嚟,買時係分開繼件俾錢㗎~
而且要留意返,有部分係Free size,要睇清楚size呀!
因為優惠推廣期間,係不接受退貨㗎!
 
 
鍾意紫色嘅絲打可以考慮下呢個森林系嘅愛麗絲野~
之前愛麗絲系列嘅服飾都係以白色、紅色、藍色為主~
但今次為咗增加夢幻同春日氣息,就用咗紫色做主打~
 
再上到三樓,就買偏向男性化嘅野,以及特價貨品!!!
 
 
有STAR WAR嘅精品,巴打們終於有野買得落手~
上至模型,下至Iphone case,應有盡有!!!
 
好多時,去親日本,都會俾人「求手信」。
講真,真係唔知買咩俾人好,件件手信都過千yen嘅話,仲得了!?
呢到就幫到你喇!事關有大量特價貨品!絕對係平!靚!正!
唔信!?你睇!有圖有真相!
 
 
 
只係350yen一件!仲要買三送一!問你死未!?
真係超抵買!買嚟做手信就最好!!!
 
 
濕平完,攰攰地又見有d肚餓,可以去隔離食埋《蟹道樂》先返歸~
 
大家可以去其他地區嘅分店架~
詳情可以睇返官方網站,有中文版本架!
不過…係簡體字lo(=~=#)
 
 
=====我是低B分隔線=====
 
仲有十日就要返香港喇~
我開始有d唔捨得某人……點算?
有朋友叫我係走之前向佢告白…
但告白……苦手……點算?
我堂堂東方不敗竟然為情所困!天呀!!點算好呀???(暴走mode啟動)
話說,我個頭開始甩色喇!黎緊染咩色好?綠色定紫色好???
留言話我知呀!感謝~~
以上~ ByeBye你條尾~
 

回覆

Joanna Ip的圖片

下?Disney Store 係唔會有 Tokyo Disneyland 嘅嘢買架,咪亂教人啦!

Joanna Ip的圖片

Tokyo Disneyland 唯一園外商店應該係樂園門外,即係舞浜駅旁邊の「ボン・ヴォヤージュ」,不過其實亦只有園內部份商品有售,而例如 Duffy 嘅產品,更只在 Tokyo Disney Sea 有售!Tokyo Disneyland 嘅商品質素,Disney Store 根本完全不能比,連D咁基本嘅資料都唔知,咪學人寫介紹文啦!?