[不敗日記] Hello Kitty迷不能不知道既購物攻略!

又到左[不敗日記]時間喇~話說我係個Hello Kitty迷!
咁去得日本,就梗係要去Sanrio濕平掃貨啦~
 
 
呢間Gift Gate係位於池袋,由池袋車站行過去大約5分鐘左右啦。
都幾多遊客去果到買野,點解呢?
因為呢到係……免稅!!!
 
 
一見到「免稅」兩個字,就梗係即刻衝入去「爆買」啦!!!
留意,係要買滿10001yen以上先可以免稅架!
如果係消秏品既話,就要買滿5001yen以上先可以免稅~
 
 
我發現店內既Melody野比起Kitty既野可愛得多!!!
 
 
有期間限定既櫻花版Kitty同Melody產品~
唔知點解硬係覺得隻Kitty怪怪地咁~有無人有同感???
可能睇慣左Kitty帶蝴蝶結~~~
 
 
 
 
 
係左揀右揀之下,我要左呢個Melody袋~仲買左其他野~
 
 
 
有網友留言叫我買呢個Bath Ball,於是我就買左一個黎試下~
真係好香~好得意~不過對於我黎講~要成5百幾yen就有點……
 
我就係咁岩買夠10000yen,就係爭個1yen,都唔可以免稅,谷住買多少少野~
 
好!戲肉黎喇!!!購物攻略!!!!!
俾錢時,記得同店員講要Point Card!!!!!
 
 
 
係唔洗錢架!記住!係唔洗錢架!!!
既然唔洗錢出卡,點可能唔出呢?
出黎有咩用?就係草積分換禮物lo!!!
一張帳單,每購物200yen就得到1分,所得積分有效期為1年。
我就有50分!雖然成日黎日本,但係我都唔理咁多,即刻用分換禮物!
15分就有條小毛巾,50分就有個Hello Kitty迷你收納盒。
店員話個Hello Kitty迷你收納盒可以放到CD!所以我就用哂d積分換左佢返屋企喇~
 
 
我買左咁多野,都只係1萬yen多dd咋~免稅之餘~仲有禮物送~真係超抵~
而且店員仲免費幫你包禮物~
每個禮物除左用粉紅色帶綁住封口外,仲有得俾你揀掛咩樣既小小匙扣係禮物包上~
我終於明白點解果位朋友留言俾我話每次去都會大出血喇!!!
 
喇~無論你係Hello Kitty迷又好,Melody迷又好,布甸狗迷都好~
下次去Sanrio濕平時,就記得出返張Point Card草分換禮物喇!
要做個精明既消費者~知無?
 
=====我是低B分隔線=====
上回講到雙魚男佢幫我貼膠布,超窩心~
 
嘛…琴日係白色情人節(心)
為答謝佢同我講軍艦島既鬼故~我買左盒朱古力送俾佢~
我知係遲左d~不過佢收到好開心~即時拆開黎食~
之後仲餵我食,果一刻真係超ドキドキ(心仔卜卜跳)~
我教佢講廣東話時~佢突然拎左我支筆寫左我個名出黎~
佢話「名前を覚えてるよ!」(我記得你個名架)
嘛…好多日本朋友都係就咁嗌我日文名XXX,但只係得佢一個記得XXX既漢字係OO!
又一窩心既回憶~今日係咁loop周國賢首《14天》
「我始終需要情歌,沉睡在昨日一起的感覺。」
 
PS~我琴晚俾左周國賢首《不敵》俾佢聽~哈哈哈
 
[不敗日記]除左介紹吃喝玩樂外,都會同大家分享下我係日本發生既感情事~
希望同大家好似朋友咁,傾下心事~
中意得日本,唔多唔少都會想同架仔拍拖架嘛=3=
有咩感想既話,都可以留言俾我,或者inbox俾我架~
 

回覆

Mable的圖片

好Q;,糸女士们都想擁有它

Mable的圖片

用積分玩左甘多糖???