[不敗日記]音樂發燒友必去尋寶嘅日本CD舖

相信好多人都有追開我每晚23時59分嘅[那些年,我們一起聽過的日文歌]。
好多時,大家都話好鍾意邊個邊個歌手,好鍾意邊首歌……
但係,如果真係咁鍾意果位歌手或果首歌,又有幾多人有買CD呢!?
 
對於我嚟講,聽歌、支持,我有一份執著。
由CD播出嚟嘅音質同MP3聽嘅音質,真係差天共地,無法相比。
所以,鍾意嘅歌手或Band隊一出CD,我都會衝去CD鋪買碟~
之後呢,即刻拆開包裝,拎隻CD出嚟,放入CD WALKMAN入面,帶上耳機開始煲歌。
呢一種感覺,真係好正,好享受。
 
相信有d人好介意人地開過聽過隻CD,點都堅持買全新CD。
亦有d人唔介意中古品,因為有d珍藏CD真係無可能有全新。
當然,除咗JPOP,都有唔少人同我一樣,鍾意聽Visual Band啦。
但係,你地知唔知可以係邊到買CD呢?
以下落嚟,就為大家續一介紹!!!
 
想買全新CD︰
 
TOWER RECORD http://tower.jp/
 
 
呢兩間CD鋪喺日本都算得上數一數二嘅大型連鎖店,最新感覺就同HMV差唔多。
 
CD有得俾人免費試聽~經典日文歌都有好多㗎~
 
店員仲好好心機咁又寫字又畫畫幫手宣傳~
 
係喎,提提大家,TOWER RECORD係可以免稅㗎!!!
呢一點,係咪更吸引呢?真係買一堆CD都唔怕啦!
 
有J家區~方便大家買本命團嘅CD~(心)
 
AKB48區~ 除咗AKB48之外,仲有SKE48、HKT48、NMB48嘅CD~
 
提提大家,最新CD好多時都會送海報!!!
 
唔介意中古品︰
 
 
呢間嘢,真係個個星期都要去行一次!
點解?因為要去尋寶!!!
講真,好似我呢d窮L點可能隻隻CD都買全新,仲買哂所有ver喎!?
真係哪有錢!?
 
店內有分108yen區、200yen區、500yen區、普通區。
 
108yen區~俾我尋寶尋到寶物!!!
 
KinKi Kids嘅8cm珍藏CD!只係108yen!只係108yen!!
真係開心死我呀!!!8cm CD真係買少見少!!!
之前post係FB同大家分享時,有人話買咗都聽唔到啦~
咁就錯喇!CD WALKMAN係可以播到8cm CD㗎!!!
 
俾我係200yen區果到搵到!!!雖然係要280yen,不過都超開心!!!
係日劇《原來是美男》嘅CD呀!呀!!!真係不得了!!!
 
Visual Band︰
 
自主盤俱樂部 http://www.jishubanclub.com/
 
 
 
呢幾間都係賣Visual Band嘅CD、DVD,另外仲有Band隊嘅即影即有同Goods賣!!
即使係同一隻CD,係唔同鋪頭買嘅話,送嘅特典都唔同㗎!!
所以,真係要上網睇清楚,你想要買款特典,之後先好去買呀!
(特典,姐係附送嘅嘢~可能係Comment DVD、個人寫真、團照等等~)
 
除咗Book Off之外,好多歌手、Band隊都會係以上嘅CD鋪搞握手會、簽名會、合照會!!!
頭50~200個去指定鋪頭買CD嘅話,店員就會俾參加券你!到時,就可以參加活動去見偶像喇!!!
我!?當然去過唔少次啦~(心)
 
以上咁多間CD鋪,總有一間岩你心水~
如果真係想去掃CD返香港嘅話,我會建議帶個大背囊去!
將所有CD放入背囊,hand carry拎上機。
因為我試過放入喼,結果,個CD盒爆咗!!!
從此,無論買幾多隻CD,有幾重都好,我都堅持孭上膊!!!
 
下次去日本,想買CD嘅話,就去以上呢幾間CD鋪啦~
有時間嘅話,去格吓價先~知唔知?(笑)