[不敗日記]金爆工作展報告

話說,之前喺千葉PARCO就舉行金爆工作展,有巴打絲打去唔到,叫我幫手影多d相返嚟!
咁我就一放假,即刻衝去千葉!!!
好好彩,最後一日,俾我去到!重新!呢個展覽已經完咗!係完咗!明年請早!!!
不過,東京去千葉真係好遠,狂轉車=="
嘛…搭錯車,又miss站,搞到成兩個鐘先到千葉= =""
如果唔係因為金爆,我應該唔會專登去千葉!!!
 
唔洗錢入場!十萬個感動!對於窮撚飯嚟講,真係超感謝金爆!
雖然見唔到真人,但係可以近距離睇佢地嘅嘢,已經係好幸福!!!
 
同場,本身有Bass手歌廣場淳設計嘅飾物賣㗎!
但係店員話第一日發賣時,已經極速完賣喇!我聽到個一刻,真係喊出嚟!
唉…唔洗食酸辣粉都已經夠傷心喇…都係入會場睇嘢吧啦!
 
其實,呢個展覽會,基本上係show佢地之前用紙皮箱整出嚟嘅嘢~
一入會場,就見到呢隻象仔XDDDDD
 
一個轉身射個三分波,就俾我見到鬼龍院翔嘅人形紙牌。
 
 
之後入面超多展示品呀!唔知大家記唔記得呢?
 
 
 
以下呢個真係好經典!咁都俾金爆整到出嚟!真係寫個「服」字俾佢地!
 
 
 
用紙皮整嘅電單車,真係好西利XDDDD
 
 
 
其實我好想試吓打,但又怕一嘢打爛XDDDD
但真係好勁!平衝力超好!可以企得起身唔跌!!!
 
 
以下嘅展示品,實物超巨大,要企係樓梯級先影到!
個size係佢一隻牙大過我塊面,咁你諗吓有幾大!!!
 
 
 
之後就係金爆佢地著過嘅服裝~~
其實好佩服佢地咁有創意,整出千奇百趣嘅衫出嚟,仲要真係著到個吓先勁!!!
 
 
 
 
 
 
以下展示品,絕對唔係紙皮造嘅~真係衫嚟~
 
 
 
 
 
係會場,仲有金爆嘅筆名同畫!(笑)
研二個胸…好似有d下墜喎!?哈哈哈哈哈哈
好明顯鬼龍院係強力瘦面啦!佢明明就係Pizza面嚟嘅!!!
 
 
 
特別送上我同鬼龍院嘅「合照」!
 
鬼龍院你想點呀?
 
我知喇!你想幫我按摩~
 
仲幫我洗埋頭~
 
咁好人,錫你一啖啦!
 
 
最後嘅最後,就係我同金爆嘅「合照」ww
其實,我係金爆嘅新成員!哈哈哈(認真就輸了)
 
死啦!會唔會有金爆飯想打死我㗎?唔好呀!(逃跑www
話說,有無人留意到我件Tee係鬼龍院成日著果件Tee嚟㗎~
其實,我覺得做追星族、做Bandgirl係好幸福嘅事。唔知有無人認同呢?
 
最後,喺出口位置,金爆都不忙宣傳吓新碟~
 
 
話說~個PV係前ViViD鼓手Ko-ki打理嘅牛郎店REALIVE到拍攝㗎!
我遲d都會介紹REALIVE!仲會有我同Ko-ki同音host嘅訪問㗎!
大家記得繼續留意我嘅[不敗日記]呀!Bye bye你條尾~
 
PS~呢個展覽已經完咗!係完咗!明年請早!!!