[不敗日記]超重口味!巨乳女僕cafe!

 
唔知大家之前有無睇我係Facebook段live片呢?
3月21日,我人生第一次去女僕cafe咋!!!
為咗有個難忘回憶,我就決定去呢間!巨乳女僕cafe!
 
先俾大家睇下個環境先~~
 
 
 
 
 
 
 
 
其實佢地好可愛㗎~好鍾意同佢地傾計~
(喂!講明!貓耳果個係我黎㗎!)
我讚佢地好可愛,佢地面都紅埋,個表情真係好萌(掩臉)
對住佢地,我內心完全係一個大叔!!有無人明!?
 
傾計時,問咗佢地好多野~
 
係到做女僕係要咩條件?
話要BMI有25以上先可以做,一般女仔應該係22~
BMI = 身高體重指數,單位:公斤/平方公尺
你係幾多呢?我就做唔到女僕喇!哈哈哈哈!
(曲線話自己好標準!低B㗎我!)
 
點解咁想做女僕嘅?
以前去其他女僕店,都好想好似店員咁著女僕裝工作,但由於身型問題,無辦法成為女僕。
當知道呢間店時,就覺得我一定要係呢到做野!
 
做女僕有咩事係開心㗎?
呢到嘅客人不但唔介意我地身型,仲話鍾意我地有肉地,聽到佢地讚我地可愛時,真係好開心㗎!
 
做女僕有無壓力㗎?
因為要留住「主人」嘅胃,所以要係廚藝方面下苦功!
 
 
 
我好中意紫色女僕裝果個女仔,佢叫做ぢをん。
佢俾咗佢卡片我,係透明底,中間印有飯團圖案~
我問點解係飯團嘅?佢話咁就好似拎住黎食咁~
睇相,又真係幾似嘅~
 
坦白講,我本身唔太中意女僕,覺得好假,成日收兵搵笨!(不喜勿插,請無視!)
但係去到呢到,係覺得好開心!
佢地真係好親切,同佢地傾計時,感受到佢地嘅內在美!
食物方面,我覺得個Pizza真係好好食!值得一讚!
個皮唔硬,唔怕好難咬,軟身,芝士味濃,中間香草碎好惹味!
真心推介大家食!芝士超多!色香味俱全!
1200yen,兌返港紙都係80蚊左右!抵食啦!!!
 
 
 
收費︰
800yen服務費(1小時)
350yen延長附加費(30分鐘)
每小時需要有1個order!
每個order係600yen起!
 
留意!星期一係休息日黎架!
 
俾個地圖大家,有興趣嘅巴打絲打都上去試食個Pizza啦!
 
 
 

回覆

can lee的圖片
睇完之後,覺得她們又親切又可愛!我都好想見識下。
新東方不敗的圖片
綠色女僕裝個女仔琴日卒業咗喇~
我同紫色女僕裝個女仔做咗朋友~交換咗Twitter~
你去東京嘅話,就去下朝聖啦~真心推介~