[不敗日記]為咗食雪糕可以去到幾盡!?就係撞鬼都唔怕!

上次去池袋猛鬼酒店影張到此一遊,有無人記得?
 
 
俾人話我無膽入去酒店入面!(怒)
搞搞震無幫襯~我唔入去住~唔食野~咁入去拍片嘈住哂咩?
唔可以咁做架~會留下壞印象俾日本人架~唔得架~
 
由於上次第一次拍片,低B仔拍片無聲,琴日我就拍多次喇~
睇咗好多網友留言俾我,分享佢地d撞鬼經歷~
 
 
嘛…為咗食雪糕可以去到幾盡!?
就係猛鬼呀~撞鬼都唔怕!問你死未?哈哈~
反正,可能d鬼見到我食雪糕個樣,俾我嚇到走夾唔頭XDDD
 
大家係咪有睇開我寫嘅[不敗日記]架?
之前咪同大家講果個好似周國賢嘅男仔既~
其實~我都有問佢出唔出黎一齊去食雪糕架~~
不過呢~佢話有野做~行唔開~唉~~
唯有我自己一個去食啦~
 
呢個GODIVA 90周年限定雪糕,係加上d脆脆同埋唔知咩嘅梅醬~
 
 
有原味~
 
朱古力味~
 
兩溝味~
 
我就揀咗朱古力味食~~
一路食~一路望下酒店環境~
其實我覺得間酒店都唔係好恐怖姐~係舊左d之嘛~
um~第一次食GODIVA咋我~滿懷期待~
不過~希望愈大~失望愈大~
朱古力味雪糕無朱古力味~甜筒底無朱古力~個醬嘅酸度over左~
仲要510yen!!!我覺得10蚊甜筒好食好多lo!!!
不過,甚麼90周年限定,你地咁岩係日本嘅話,都可以試下嘅~
 
總結!我無中伏!YEAH~~~~~
 
今次拍片有聲!進步咗㗎!快d讚我叻叻!
我會繼續努力!請繼續支持我!下次見~~~
 
=====我是低B分隔線=====
 
係東京咁大地方,竟然俾我遇上佢!
之後,佢仲指向遠處叫我望。
 
 
原來係東京鐵塔!!!
細細個睇日劇時,就一直同自己講,大個要同心愛嘅人一齊睇東京鐵塔!
無諗過係昏暗無人嘅街角,同佢一齊睇!!!
 
因為佢個樣真係好似周國賢,搞到我呢幾日不停loop《十四天》。
「我始終需要情歌,沉睡在昨日一起的感覺。」
 
我開始相信緣分,我真的戀愛了。
 

回覆