[不敗日記]澀谷超可愛Miffy Cafe!

由於我好鍾意兔仔,係3月18日,Miffy Cafe 第一日開,我就衝咗去喇!
去到現場,梗係第一時間影返張「到此一遊」先啦~~
 
 
 
 
 
超多人排隊呀!等咗兩個鐘先入到去!
你睇!真係超多人呀!!!
 
 
我排咗一陣,拎咗籌,就周圍影吓相,同埋睇下d Miffy精品~~
 
 
有扭蛋呀!!不過我無扭到,孤寒鬼嘅我唔捨得用400yen扭蛋哦~~~
 
 
門口放咗好多花花,有Miffy公仔㗎!
另一邊就放咗個牌,話俾大家知有咩限定精品賣~~
 
 
由於太多,加上甚麼理想與現實,所以我係咁影影影,俾大家睇下實物係咩樣。
好,首先,我地睇下d文具先~~
 
 
File要600yen一個,um……影相當買咗算~~~
 
 
連膠紙都要係Miffy,真係咩料子!?我唔捨得用lo~唔買~
 
 
一個塑膠袋仔要成千幾yen…um…個刻我第一個反應係「傻的嗎?」
 
 
我見好多人係咁買毛巾,可能日本人習慣咗洗完手用毛巾抹毛,所以買多幾條啩!?
 
 
筆又有,簿又有,岩哂學生妹買黎返學~
 
 
呢d比較平,但係就岩小朋友多d~
不過,我個日去,唔見有小朋友去~去嘅都係幾個女仔一組咁去食~
 
到咗公仔喇!!!係好可愛㗎!可惜我已經太多公仔,爆喼喇!無位放!所以,忍手唔買!!!
 
 
 
 
 
呢隻Miffy係Cafe限定㗎!真係好想要呀!!!(無限個怨念)
 
 
好啦!睇下睇下就夠鐘入去食野喇!
入店前要先決定好食咩落order,入店後係無得加單㗎!
如果大家都去食嘅話,記得諗清楚哦~~~
 
係食野之前,係可以同大大大大大隻Miffy影相㗎!(心)
 
 
喇!我高過隻Miffy㗎!唔准再話我矮!話我死豆丁呀!!!!!
 
 
我超想「老笠」呢隻Miffy返屋企呀!攬住佢個肚仔坐係梳化到食零食一定好幸福!!!!!
係呢刻,職員姐姐叫我食……野啦!被帶入去坐低(笑)
 
 
因為得我一條友仔去食野,於是被安排坐呢到~
對住牆食野,要我面壁思過……
明嘅~明嘅~
其實毒L一個更開心~洗L你講~~~(技安mode)
 
 
可能店員姐姐見到我扁咀,即刻送個黃色波波俾我~(心)
隻Miffy仔只係擺設,唔係送俾我,我都想店員姐姐送Miffy仔俾我=333=
不過,有Miffy仔陪我去食,都無咁寂寞~
 
フレッシュミントティー ~送匙扣~ ¥980
 
等咗超耐,終於有野飲!我點咗花茶飲~諗住係甜㗎啦!
點知……中伏!!!!!呀!!!!!(暴走mode啟動)
點解!?點解!?點解!?飲落去咁似咸竹蜂㗎!?
呀!!!我飲咗一啖仔,即刻頂唔順,狂飲水漱口……
 
お花畑をサイクリング♪チーズパンケーキ  ¥1,180
 
之後又等咗好耐,終於有野食喇!真係肚餓死我!!!
點知,d野食唔係熱㗎~只係有ddd暖暖地~點解可以咁㗎!?
 
 
不過,呢舊好似炸薯餅嘅野,其實係豆腐嚟!真係估佢唔到,有少少芝士味咁~幾好食~
但係個pancake好怪,雖然我中意食芝士,但係入面仲要加多塊煙肉…整到個pancake好咸……
 
ミッフィー風パンケーキ pannenkoeken(パンネンクーケン)
連杯 ¥1,680  不連杯 ¥1,380 
 
呢個甜品,俾我倒咗d 蜜糖落去,之後Miffy個樣幾不爽!你睇!
Miffy嬲到震,搞到我影呢張相勁動感XDDD
但真係好好食!超愛呢個!雪糕本身好滑身!d士多啤梨、橘子、奇異果都係甜架~
 
にんじん畑!?ミッフィーのキャロットムース ~送汽球〜 ¥1,380
 
Miffy頭係棉花糖嚟㗎!超中意食棉花糖呀!勁開心(心)
但下面橙色果舊係南瓜慕絲嚟!係滑身嘅~但我唔中意食南瓜㗎!!!呀!!!!!
我仲大大啖放落口!呀!!!!!!(表示超討厭食蔬菜類)
前面威化餅果堆野,扮係小田園!黑色果堆,真係好泥咁!好難食!
我以為係「沙尼蛋糕」d fd啦!點知…呀!!!又要飲水!!!!!
 
ミッフィーのトマトチキンカレー
連杯 ¥1,680 不連杯 ¥1,380
 
我唔明!我真係唔明!點解個咖喱飯係最後先上lo!!!
上菜先後次序安排有d問題…我食甜品都食到飽喇!
而家先嚟個咖喱飯!想點呢???
 
我嘅憤怒發洩咗係Miffy身上!我一野咬甩咗Miffy隻耳仔!可憐嘅Miffy即刻爆血!(大誤)
 
 
um…我覺得味道一般,唔係好重咖喱味,仲有d酸,唔係特別好食~
另外,呢個咖喱飯d咖喱太多了吧!?
我唔講,可能你都以為係碗湯嚟~對不?
 
總結︰真係好睇唔好食!個甚麼花茶,完全係中伏中伏中伏中伏中伏中伏中伏中伏中伏(下刪萬字)
除咗個棉花糖有棉花糖味,蜜糖pancake有蜜糖味,生果有生果味之外,
其他野都係一般㗎咋!唔好好似我咁抱好大期望諗住「去食好西」!
不過,如果你本身對食無咩要求,又唔介意等得耐嘅話,都可以去食!
當然,Miffy Fans一定會去食啦!無論好無食,都照去㗎啦~
 
PS~你地開心啦!見到我中伏=3=
我知我拍片剪片都唔好,仲係好新手,但係我會繼續努力!
希望大家繼續支持我啦!
 
Miffy Cafe
時間:2016年3月18日~5月8日
地址:Shibuya PARCO PART-1  7F THE GUEST cafe & diner
電話:03-3477-5773
時間:11:00~22:30