[不敗日記]數碼暴龍game你今日玩咗未?

男友好專心打機而唔理你時,你可以點做!?
就係,同佢一齊打!!!
無錯!要落坑!要打得仲癲仲沉迷過佢!
 
最近有個新出嘅手機game,係打數碼暴龍㗎!!!
當我見到㗎仔「周國賢」係到打緊時,我好奇就問佢咩黎!
一見到係數碼暴龍,真係不得了!!!
即刻叫佢幫我dl隻game,教我點打!
然後,我同佢行街又打機,搭車又打機,食飯又打機,就連去開大都打機!(笑)
 
等我推你地落坑先~~~
 
打「デジモン」就會搵到呢個game,唔洗錢dl㗎!
但係loading比較耐,同埋比較食電,建議開wifi同叉住電嚟玩!
 
 
每個人都會有自己嘅USER CODE!有咩用呢?梗係用嚟加朋友啦!
 
 
呢個係我acc,大家可以add我㗎~
點add!?等等呀下~
 
 
係呢到click檢索!之後打人地個USER CODE就可以搵到對方㗎喇~
 
 
歡迎大家add我!雖然我d數碼暴龍好廢!
(因為我本身唔打機㗎~係因為㗎仔~我先打機咋~)
 
 
平時一開個畫面係咁~ 想對戰嘅話,就click右下角嘅探索!!!
 
 
呢個係續級續級咁打上去㗎!每打一場,都會消秏「スタミナ」!姐係Stamina!
無哂嘅話就無法上陣殺敵!!!
不過,等三分鐘到就回復一個㗎喇!大丈夫啦!
 
 
另外都有呢個「イベント」,姐係EVENT!
消秏較多「スタミナ」,但係一打贏咗,得到較多報酬!有助進化!!!
 
 
所以,我照打大佬!!!決定要打就click「バトル」,姐係battle!
 
 
打大佬之前,就要揀派邊三隻上仗!!!
右上角有講大佬嘅強項、弱項,睇準d去揀三隻數碼暴龍攻大佬嘅弱項!!!
決定好就click「バトルスタート」!
 
 
點會俾你一開始就打大佬!?梗係打下d跟班先啦~
 
 
為咗慳時間,可以click右上角嘅「Auto」,就會進入自動mode對戰!
如果想再快d,就click埋隔離個「x2」,等佢加速對戰!
打完兩場WAVE,就會出WARNING!姐係終於都要打大佬喇!
 
 
 
話咁快就打贏大佬喇!你睇佢地幾開心!!!
 
 
打贏咗大佬,可以獲得EXP(經驗值)同「クラスタ」(Cluster)!
幫三隻數碼暴龍「升呢」!亦會增加「友情度」!
三隻俾我升爆咗喇!哈哈哈哈~(雖然佢地仲係好廢= =")
五個紅色嘅野係徽章,儲齊黎幫數碼暴龍進化!!!
 
 
每次打贏大佬,都可以得到兩粒「デジストーン」(Digistone)!
 
 
每日登入個game,都會得到指定數量嘅「デジストーン」㗎!
 
 
 
儲夠廿粒「デジストーン」,就可以抽一次數碼暴龍!!!
 
 
 
出嚟啦!係黑亞古獸!!!我已經有一隻喇……
抽極都抽唔到巴達獸同迪路獸……好怨念……
㗎仔叫我del game再dl過,係咁抽抽抽,直至抽到為止!
但係我覺得咁樣無意思!所以,我堅決努力對戰!努力抽!
 
 
打輸咗,就click「諦める」,姐係放棄!!!
無理由浪費「デジストーン」嚟打場無把握嘅仗!
 
係咁俾㗎仔串我弱雞,好不爽!
不過,好葡萄佢抽到天使獸同天女獸呀!!!
 
一齊打機,的確係可以增進感情!多咗好多話題講,又可以互相串吓,打情罵俏!
來來來!巴打!絲打!齊齊dl「デジモン」玩啦!!!
 
自問係打機達人嘅你,教吓我點樣可以勁d!(跪求)
當我玩呢個game時,我就覺得我仍然係其中一個被選中嘅小朋友!你呢?