[不敗日記]帶你去池袋酒吧餵企鵝

之前帶過大家去原宿嘅蛇Cafe,今次就帶大家嚟到池袋嘅企鵝酒吧!
呢間酒吧,除咗可以睇企鵝之外,仲可以餵企鵝!而且仲係…
唔使錢餵企鵝!!!
唔使錢餵企鵝!!!
唔使錢餵企鵝!!!(好重要所以講三次)
 
 
一入去,就見到d企鵝喺玻璃屋入面行嚟行去!
其實,係開鋪前,店員都會先清潔好玻璃屋,之後先再俾d企鵝入去!
所以,見到玻璃仲有唔少水珠!望個環境都算乾淨!
入面仲有部冷氣機,唔洗擔心d企鵝會熱親!
下面仲有個水池,可以睇到企鵝可愛嘅泳姿!
 
 
有兩隻鬼鬼祟祟企埋一邊,唔知係咪喺度傾緊咩大計XDDD
望真d,企鵝佢地都好乾淨,唔係污「租」貓嚟㗎!
 
 
俾我發現佢地係到傾密計,就即刻擰轉面,扮清潔身體!
呢個係咩玩法?XDDD
就喺我影緊相嘅時候有一隻靜雞雞行埋嚟!
 
 
原來係我戴喺右手嘅紅色波點髮圈吸引咗企鵝仔過嚟!
你睇吓佢個眼神!肯肯定以為個髮圈係魚魚!
 
 
好喇!要返埋位,坐定定等食喇!
望一望對筷子,先發現個包裝都印咗企鵝!!!
實在唔忍心整污「租」個包裝,更加唔好話整爛!!!
唔知係咪諗住大家可能會拎返屋企,所以印埋電話地址落去XDDD
 
 
 
可能大家會諗「我唔飲酒㗎喎,去到咪淨坐囉?」
呢間酒吧除咗飲酒之外,仲可以嗌龍蝦、和牛据排、小食㗎!
大家睇吓,賣相都唔錯㗎!
 
 
 
份量方面,如果兩至三個人去嘅話,都ok嘅!
講真,都係志在睇企鵝啫~
 
 
一路食一路八掛周圍望,原來頭頂位置有電視機播緊動物片。
除咗介紹企鵝之外,仲有介紹其他海洋動物及沿海居住嘅雀鳥等等。
食完嘢,想搵毛巾抹手時,俾我發現……
 
 
用毛巾捲成嘅企鵝仔呀!超卡嘩依呢!!!
你睇吓佢對手仔!!!我飛呀!飛呀飛!!!
 
 
睇吓個側面,企鵝個咀仔都整埋出嚟!一個字!超勁XDDD
我真係唔捨得拆開條毛巾出嚟用!叫我點忍心?(笑)
 
 
店員叫我地出嚟排隊,原來係夠鐘餵企鵝喇!
首先,店員會講解同示範一次俾我地睇點樣餵企鵝!
 
 
到我去餵企鵝,心情真係興奮又緊張呀!
餵企鵝真係第一次!之前都係去海洋公園到餵過海獅咋!
 
 
你睇吓!d企鵝伸定個頭出嚟等食!
我勁驚佢地跌落嚟!因為頭先見到有隻差錯腳跌落水池=w=
餵企鵝真係好好玩!不過,每人只可餵一次咋……
 
真心推介大家嚟呢度邊飲邊食邊睇企鵝!
雖然有唔少情侶嚟拍拖,對於單身嘅朋友嚟講,都幾閃光彈!
不過,都見到有幾枱係幾個朋友一齊嚟玩!
坐我前面張枱嘅係兩個男仔!我見到佢地好親密!個畫面好BL(心)
對於我呢d腐女嚟講,真係睇到我心心眼!
 
ペンギンのいるBAR 池袋
營業時間︰18:00~翌日04:00
電話︰+81 3-5927-1310
地址︰東京都豊島区池袋2丁目38−2 Cosmy1