[不敗日記]帶你去六本木嘅美少女戰士展

[不敗日記]帶你去六本木嘅美少女戰士展

又嚟到[不敗日記]喇,上集嘅[不敗日記]賣關子,大家係咪好心急想睇下集呢?
喇喇喇!我認我腹黑!所以今集都係吊一吊大家胃口先~
繼續為絲打們謀福利~
 
美少女轉身變~已變成戰士~
 
女仔,除咗幻想過自己係公主之外,都一定幻想過自己係美少女戰士~
幼稚園時,我已經扮過豆丁兔喇~
 
[不敗日記]帶你去六本木嘅美少女戰士展
 
今次,知道六本木有美少女戰士展,我就梗係要變身做月野兔啦!!
一入到會場,就俾東京鐵塔吸引咗我,行到過去,見到成個月野兔企係到!!!
 
[不敗日記]帶你去六本木嘅美少女戰士展
 
我就梗係唔執蝕,即刻同月野兔影合照啦~
影完相,抬頭一望,就見到新版Crystal版本幾位主角嘅海報,再上面仲有月宮殿嘅長型海報!!!
 
[不敗日記]帶你去六本木嘅美少女戰士展
 
[不敗日記]帶你去六本木嘅美少女戰士展
 
真係超靚!!!不得了!!!
轉個身一望,就見到超巨型月野兔海報。
 
[不敗日記]帶你去六本木嘅美少女戰士展
 
呢一張海報,係為咗今次展覽而造出嚟㗎!!!
 
[不敗日記]帶你去六本木嘅美少女戰士展
 
再望望隔離,有哂五位主角嘅人形紙牌,俾大家任影唔嬲!!!
 
[不敗日記]帶你去六本木嘅美少女戰士展
 
之後周圍都有歷代美少女嘅產品,扭蛋、變身器、畫簿,應有盡有。
 
[不敗日記]帶你去六本木嘅美少女戰士展
 
而且都有安迪米歐王子同倩尼迪公主嘅一比一模型!!!
 
[不敗日記]帶你去六本木嘅美少女戰士展
 
[不敗日記]帶你去六本木嘅美少女戰士展
 
[不敗日記]帶你去六本木嘅美少女戰士展
 
仲有展示舞台劇入面所用過嘅服裝、道具!!!
仲俾我發現有小童版變身衫!我幼稚園果時,都曾經買過嚟著㗎!

 
[不敗日記]帶你去六本木嘅美少女戰士展
 
[不敗日記]帶你去六本木嘅美少女戰士展
 
嘩!真係唔係講笑!好鬼童年回憶!!!
 
[不敗日記]帶你去六本木嘅美少女戰士展
 
我著呢套水手服,都係為咗呢個美少女戰士展而專登買㗎!!!
係會場內,仲有武內直子嘅親筆簽名!!!!
 
[不敗日記]帶你去六本木嘅美少女戰士展
 
到尾聲,仲有哂主角咁多個嘅人型紙牌俾大家合照!!!
 
[不敗日記]帶你去六本木嘅美少女戰士展
 
睇嚟,我應該染金毛!!!
其實我想同哂咁多個影㗎,但當時太多人影相,所以我只係同咗月野兔同豆丁兔影咋!(淚)
 
臨走前,有個房仔嘅地方可以買美戰嘅精品~
 
[不敗日記]帶你去六本木嘅美少女戰士展
 
[不敗日記]帶你去六本木嘅美少女戰士展
 
不過,好多人排隊買嘢,如果絲打們想去血拼嘅話,建議早d去!!
每次只想買二十件商品,如果想買更多,就要再排過隊入去掃貨喇!
 
行完個美戰展之後,隔離有間Chibi Cafe~
一場嚟到,點都要食吓嘅~
 
[不敗日記]帶你去六本木嘅美少女戰士展
 
選擇唔算好多,不過,我見在場嘅人都係兩個人「些牙」一個甜品,食完就閃=0=」
但係,4點鐘時,我係出面排隊,都排咗成個鐘先入到去坐低……
 
[不敗日記]帶你去六本木嘅美少女戰士展
 
藍莓味嘅露娜P慕絲雜果拼盤~ 1200YEN~
對於鍾意食酸嘢嘅我嚟講,呢個藍莓味真係正正正!!!
而且,露娜P真係整得好迫真!食個時呢,我唔係幾忍心毀佢容XDDD
 
[不敗日記]帶你去六本木嘅美少女戰士展
 
[不敗日記]帶你去六本木嘅美少女戰士展
豆丁兔變身器馬卡龍草莓雪糕布甸拼盤~1100YEN~
好老實講,我本身唔鍾意食馬卡龍嘅!!!但係呢個真係好好食!!!推介推介!!!!!
草莓雪糕呢,似係乳酪雪糕咁,唔係甜嘅,係酸酸地嘅!
 
[不敗日記]帶你去六本木嘅美少女戰士展
 
天空奇蹟浪波雪糕特飲~1250YEN~
草莓雪糕同馬卡龍果個雪糕係一樣嘅~個月亮就係白兔糖味朱古力~
但下面d啫喱嘅味道就………=~=」
 
[不敗日記]帶你去六本木嘅美少女戰士展
 
火野麗什果特飲~850YEN~
個味道就似什果賓治咁~個月亮又係白兔糖味朱古力~
 
總結︰味道還好啦,不過現場氣氛搭救,一邊食一邊聽住美戰歷代OP同ED,真係好開心!
 
呢個美少女戰士展開到6月19日(日),如果咁啱去東京嘅絲打,就去睇吓玩吓啦~
開放時間:10:00am - 10:00pm(最後入場時間係9:30pm)
入場票價:成人︰1800YEN,高中生&大學生︰1200YEN,4歳〜初中生:600YEN,65歳以上長者:1500YEN
購票方法:直接喺展館3樓買就ok~(不過要排隊㗎!)
地點︰六本木森美術館(地址︰東京港區六本木6-10-1 Mori Tower 52/F)
交通︰地鐵都營大江戶線六本木站(行12分鐘)
 
THE SUN セーラームーンコラボ CHIBIUSA Cafe
Cafe都係去到6月19日(日)
營業時間: 11:00am– 22:00pm(Last Order係21:30pm)
 
我都知唔係個個絲打都可以去到呢個美戰展~所以呢~我買咗份小小小禮物~
原諒我窮L~無錢買變身棒送俾大家=3=
 
[不敗日記]帶你去六本木嘅美少女戰士展
 
呢個好似實用d~ 3個唔同大細size嘅file~
我私心揀月野兔款~(笑)

 
即刻分享博客,玩法如下:
送禮玩法
1. 讚好LikeJapan Facebook專頁
2. 註冊成為LikeJapan網站會員
3. 瀏覽此博客文章時,點選左方的「分享博客文章」以獲得分享連結
4. 會員可透過各大社交平台及討論區分享連結網址,LikeJapan會統計每條連結的點擊次數,會員也可於博客頁面左方查閱點擊排行榜。
5. 截止時間內的分享連結點擊次數愈多,獲獎機會愈大。如有會員的分享點擊數目相同,將根據系統紀錄最快達到該點擊次數的參加者得獎。
詳細玩法亦可參考此頁!
*如有任何爭議,LikeJapan將保留最終決定權。
 
各位絲打,如果有興趣買我著個套美少女戰士衫嘅話,要注意一吓!
唔好諗住上身衫有鬆,下身就一定大丈夫呀!因為裙嘅腰圍係比上身衫嘅腰圍細㗎!
呢套衫只係2990yen!計埋稅+兌返港紙大約230蚊左右!
邊到買就唔公開講,費時話我賣廣告!私下inbox我Facebook專頁問我啦~https://www.facebook.com/fuhai0w0/
好啦!下次[不敗日記]再見~ByeBye你條尾~