情人節個個都俾朱古力，點先知對方對我係唔係有意思呢？係日本有「本命」同「義理」就分得好清楚，只要留意以下幾點，就一定唔會自作多情啦～
1. 包裝/價錢
人靠衣裝，禮物當然係靠包裝！心形都唔一定就係嘅，但通常包得好靚，唔會就咁俾一粒（除非好大粒）打開粒粒唔一樣款式都可以係。雖然日本人對上司都會送高級朱古力，咁都代表左越重要嘅人就會送越貴重嘅野。
2. 手工朱古力
無人會花咁多心機時間去整野食俾自己唔鍾意嘅人囉~ 所以就算係好鍾意自己整野食都好，日本都唔鼓吹女仔係情人節當日送手工朱古力俾普通朋友。
3. 贈送情景
成堆人面前送俾你，又個個收到嘅款色都一樣，咁就真係唔洗諗咁多。但如果專登叫你埋一邊，單獨情況下，仲要含情脈脈咁唔樣，你唔好話我知你真係鼓佢唔到囉~
4. 朱古力以外
對方可能只係靜悄悄咁放係你枱面，但入面好有可能係放左卡片，寫左啲甜言蜜語俾你架！
如果以上咁多野都中曬，恭喜你！你得到嘅唔只係朱古力，仲有一顆真心呀！要快啲諗定白色情人節送咩俾佢回禮！祝有情人終成眷屬(｡♥‿♥｡)
About Post Author
